ടിക് ടോക്കിന്റെ മാതൃ കമ്പനിയായ ബൈറ്റ്ഡാന്സ് അടുത്ത മാസത്തോടെ ഒരു സംഗീത സ്ട്രീമിംഗ് സേവനം ആരംഭിക്കാന് ഒരുങ്ങുന്നു. ആഗോള ലൈസന്സിംഗ് ഡീലുകള്ക്കായി കമ്പനി യൂണിവേഴ്സല് മ്യൂസിക്, സോണി മ്യൂസിക്, വാര്ണര് മ്യൂസിക് എന്നിവയുമായി ചര്ച്ച നടത്തി. ബൈറ്റ്ഡാന്സിന്റെ വരാനിരിക്കുന്ന മ്യൂസിക് സബ്സ്ക്രിപ്ഷന് സേവനത്തില് അവരുടെ ഗാനങ്ങള് ഉള്പ്പെടുത്തണമെന്ന് ടിക്ടോക്കിന്റെ ഉടമ ആഗ്രഹം വെളിപ്പെടുത്തിയിട്ടുണ്ട്.
ഈ മാസം ആദ്യം ബൈറ്റ്ഡാന്സ് ചൈനയില് ആദ്യത്തെ സ്മാര്ട്ട്ഫോണ് പുറത്തിറക്കിയിരുന്നു. 8 ജിബി റാം, 6.39 ഇഞ്ച് അമോലെഡ് ഡിസ്പ്ലേ, സ്നാപ്ഡ്രാഗണ് 855 പ്ലസ് SOC, ക്വാഡ് റിയര് ക്യാമറ സജ്ജീകരണം എന്നി സവിശേഷതകള് ലഭ്യമാക്കിയായിരുന്നു സ്മാര്ട്ഫോണ് അവതരിപ്പിച്ചത്.
ഓണ്-ഡിമാന്ഡ് സംഗീതത്തിന് പുറമേ, വരാനിരിക്കുന്ന സംഗീത അപ്ലിക്കേഷനില് ശ്രോതാക്കള്ക്ക് തിരയാനും പാട്ടുകള് കേള്ക്കുമ്പോള് സമന്വയിപ്പിക്കാനും ഹ്രസ്വ വീഡിയോ ക്ലിപ്പുകളും ഉള്പ്പെടും. കൂടാതെ, ടിക്ക് ടോക്കിന്റെ കമ്പനി അതിന്റെ മ്യൂസിക് ആപ്ലിക്കേഷന് ഇതുവരെ ഒരു പേര് നല്കിയിട്ടില്ല. ഇതിന്റെ വിലനിര്ണ്ണയ വിശദാംശങ്ങളും ഇതുവരെ പുറത്തുവിട്ടിട്ടില്ല.