വിയപുരം: പന്മന വൈറ്റമുക്ക് സ്വദേശികളായ മൂന്ന് യുവാക്കള് പമ്പയില് മുങ്ങിമരിച്ചു. കരുനാഗപ്പളളി പന്മന സ്വദേശികളായ ശ്രീജിത്ത്, ഹനീഷ്, സജാദ് എന്നിവരാണ് മരിച്ചത്. ഹരിപ്പാടിന് സമീപമുള്ള വിയപുരത്തെ സുഹൃത്തിന്റെ വീട്ടിലെത്തിയ ഇവര് കുളിക്കാനായി പോയപ്പോഴാണ് അപകടം. ഉച്ചകഴിഞ്ഞ് മൂന്നു മണിയോടെയാണ് സംഭവം.
അഞ്ചു സുഹൃത്തുക്കള് ചേര്ന്നാണ് വിയപുരത്തെ സുഹൃത്തിന്റെ വീട്ടിലെത്തിയത്. ഇവരില് ശ്രീജിത്ത്, ഹനീഷ്, സജാദ് എന്നിവര് കുളിക്കാനായി പമ്പയില് ഇറങ്ങി. കുളിക്കുന്നതിനിടയില് ഇവര് മുങ്ങിപ്പോവുകയായിരുന്നു. തുടര്ന്ന് പൊലീസും ഫയര്ഫോഴ്സും ഒന്നര മണിക്കൂറോളം നടത്തിയ തിരച്ചിലിലാണ് ഇവരെ കണ്ടെത്തിയത്. തുടര്ന്ന് ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു.
കായംകുളം താലൂക്ക് ആശുപത്രിയില് വെച്ചാണ് ഇവരുടെ മരണം സ്ഥിരീകരിച്ചത്. ഇവരുടെ മൃതദേഹം തുടര്നടപടികള്ക്കായി ആശുപത്രിയില് സൂക്ഷിച്ചിരിക്കുകയാണ്.