ഭുവനേശ്വര്: ബംഗാള് ഉള്ക്കടലിനു മുകളില് ഉദ്ഭവിച്ച അതിശക്തമായ ചുഴലിക്കൊടുങ്കാറ്റ് തിത്ലി ഒഡിഷ തീരത്തെത്തി. ഇന്ന് രാവിലെ ആറ് മണിയോടെയാണ് കാറ്റ് തീരം തൊട്ടത്. ഒഡിഷ- ആന്ധ്രപ്രദേശ് തീരത്തെത്തിയ ചുഴലിക്കൊടുങ്കാറ്റിനെ തുടര്ന്ന് ഒഡിഷയില് ശക്തമായ മഴയ്ക്ക് സാദ്ധ്യതയുണ്ട്.
ഒഡിഷയിലെ ഗോപാല്പൂര്, ആന്ധ്രപ്രദേശിലെ കലിങ്കപട്ടണം എന്നിവിടങ്ങളില് മണ്ണിടിച്ചിലിനും മണിക്കൂറില് 145 കിലോമീറ്റര് വേഗത്തില് കാറ്റടിക്കാനും സാധ്യതയുണ്ടെന്നാണ് അറിയിപ്പ്. അടുത്ത 18 മണിക്കൂറിനകം കാറ്റിന് ശക്തിയേറും. തുടര്ന്ന് വടക്ക് കിഴക്ക് ഭാഗത്തേക്ക് നീങ്ങി പശ്ചിമബംഗാള് തീരത്തേക്ക് കടന്ന് കാറ്റിന്റെ വേഗത കുറയാനാണ് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
മുന്നൂറോളം മോട്ടോര് ബോട്ടുകളും രക്ഷാപ്രവര്ത്തനത്തിന് സജ്ജമാണ്. രണ്ട് ദിവസം മഴ തുടര്ന്നാല് വെള്ളപ്പൊക്കവും ഉണ്ടായേക്കാം. സ്കൂളുകള്ക്കും കോളേജുകള്ക്കും അവധി ന്ല്കി. മൂന്ന് ലക്ഷത്തോളം പേരെ സുരക്ഷിത സ്ഥലങ്ങളിലേക്ക് മാറ്റിപ്പാര്പ്പിച്ചു. തിരമാലകള് ഒരു മീറ്റര് ഉയരത്തില് വരെ അടിച്ചേക്കാമെന്നും മുന്നറിയിപ്പുണ്ട്.