ഡല്ഹി: ഈ വര്ഷം മുതല് നീറ്റ് പ്രവേശന പരീക്ഷ മലയാളത്തിലും. കേന്ദ്ര വിദ്യാഭ്യാസമന്ത്രി ധര്മ്മേന്ദ്ര പ്രധാനാണ് ഇക്കാര്യം അറിയിച്ചത്. കഴിഞ്ഞ വര്ഷം ഇംഗ്ലീഷും ഹിന്ദിയും കൂടാതെ ഒന്പത് ഇന്ത്യന് പ്രാദേശിക ഭാഷകളിലും (ഉറുദു, തമിഴ്, കന്നഡ, തെലുങ്ക്, അസമീസ്, ബംഗാളി, ഒഡിയ,ഗുജറാത്തി, മറാത്തി) നീറ്റ് പരീക്ഷ നടത്തിയിരുന്നു. ഈ വര്ഷം മുതല് പഞ്ചാബിയും മലയാളവും കൂടി പ്രാദേശിക ഭാഷാ പട്ടികയിലേക്ക് ഉള്പ്പെടുത്തുകയായിരുന്നു.
2020ലെ ദേശീയ വിദ്യാഭ്യാസ നയത്തിന്റെ ഭാഗമായിട്ടാണ് കൂടുതല് പ്രാദേശിക ഭാഷകളില് നീറ്റ് പരീക്ഷ നടത്തുന്നത്. കൂടാതെ, ജിസിസി രാജ്യങ്ങളിലെ ഇന്ത്യന് വിദ്യാര്ത്ഥികളെ കൂടി പരിഗണിച്ച് ഈ വര്ഷം മുതല് കുവൈത്തിലും നീറ്റ് പരീക്ഷാകേന്ദ്രം അനുവദിക്കുമെന്ന് ധര്മ്മേന്ദ്ര പ്രധാന് അറിയിച്ചു.