നായികയല്ലെങ്കിലും മലയാളസിനിമയിലെ നിത്യ ഹരിതയായ അഭിനേത്രിയാണ് തെസ്നി ഖാന്‍. മിമിക്രി കലാരംഗത്തു നിന്നും മലയാള സിനിമയിലേക്ക് കടന്നുവന്ന തെസ്നി, തന്റെ അഭിനയ ജീവിതത്തില്‍ 30 വര്‍ഷങ്ങള്‍ പൂര്‍ത്തിയാക്കുകയാണ്.
അഭിനയരംഗത്ത് സജീവമാണെങ്കിലും ആത്മീയകാര്യങ്ങളില്‍ വളരെയധികം ശ്രദ്ധിക്കുന്നയാള്‍ കൂടിയാണ് തെസ്നി പറയുന്നു. ‘സത്യം പറഞ്ഞാല്‍ നിസ്‌കാരം അത്ര മസ്റ്റ് ആക്കാത്ത ഒരാളായിരുന്നു ഞാന്‍. ഓടിപ്പോയി നിസ്‌കരിക്കാന്‍ മടിയായിരുന്നു പ്രത്യേകിച്ച് ഷൂട്ടിംഗ് കഴിഞ്ഞ് ടയേര്‍ഡ് ആയിരിക്കുമ്പോള്‍. പക്ഷേ മമ്മൂക്കയുടെ കൂടെ കുറച്ചു സിനിമകള്‍ അഭിനയിച്ചു കഴിഞ്ഞ ശേഷമാണ് എനിക്ക് അത് കുറച്ചുകൂടി ഗൗരവമായി തോന്നിയത്.
ക്യാരവനില്‍ പോയിട്ട് കറക്ട് നിസ്‌കരിക്കും മമ്മൂക്ക. നോമ്പ് മാസം നോമ്പ് പിടിച്ചിട്ടാണ് അദ്ദേഹം അഭിനയിക്കുന്നത്. എന്നോടു പറഞ്ഞിട്ടുണ്ട്, ‘ഇതേ ഉണ്ടാവുകയുള്ളൂ നമ്മുടെ ജീവിതത്തില്‍. അഭിനയവും കാര്യങ്ങളുമൊക്കെ വേറെ. നമുക്കതിനുള്ള ഗുണം കിട്ടും’. മമ്മൂക്കയുടെ വാക്കുകള്‍ പോലെ തന്നെയായിരുന്നു എനിക്ക് ജീവിതത്തില്‍ നല്ല ഗുണം കിട്ടുന്നുണ്ട്. ദൈവത്തെ മുറുക്കെ പിടിച്ചോ, മുറുക്കെ പിടിച്ചാല്‍ തരും ഉറപ്പാ…’
