ദോഹ: പരിക്കേറ്റ സെനഗൽ സൂപ്പർതാരം സാദിയോ മാനെ ഖത്തർ ലോകകപ്പിനുണ്ടാവില്ലെന്ന് റിപ്പോർട്ട്. ബുണ്ടസ് ലീഗയിൽ ബയേൺ-വെർഡർ ബ്രമൻ മത്സരത്തിനിടെയായിരുന്നു താരത്തിന് പരിക്കേറ്റത്. ആദ്യ റിപ്പോർട്ടുകൾ താരത്തിന് ലോകകപ്പ് നഷ്ടമാവില്ല എന്നായിരുന്നു. എന്നാൽ, പുതുതായി വരുന്ന റിപ്പോർട്ടുകൾ മറിച്ചാണ്.
അതേസമയം, ഖത്തറിൽ ലോകകപ്പിൽ പന്തുരുളാൻ ദിവസങ്ങൾ മാത്രം ബാക്കിനിൽക്കെ അർജന്റീനയ്ക്കും തിരിച്ചടി. മധ്യനിര താരം ജിയോവാനി ലോ സെൽസോയ്ക്ക് പരിക്കിനെ തുടർന്ന് ലോകകപ്പ് നഷ്ടമാവും. സെൽസോയ്ക്ക് ലോകകപ്പ് നഷ്ടമാവുമെന്ന് താരത്തിന്റെ ക്ലബായ വിയ്യാറയൽ വ്യക്തമാക്കി. ടോട്ടനത്തിൽ നിന്നും ലോണിലാണ് സെൽസോ വിയ്യാറയലിന് വേണ്ടി കളിക്കുന്നത്. കണങ്കാലിന് പരിക്കേറ്റ സെൽസോയ്ക്ക് ശസ്ത്രക്രിയ വേണ്ടി വരും.
