ന്യൂയോര്ക്ക്: ലോകത്ത് കൊവിഡ് ബാധിതരുടെ എണ്ണവും മരണ സംഖ്യയും കുത്തനെ ഉയരുന്നത് അശങ്കയുണ്ടാക്കുന്നു. വേള്ഡോമീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ 3.72 ലക്ഷം പേര്ക്കാണ് കൊവിഡ് രോഗ ബാധ സ്ഥിരീകരിച്ചത്. ഇതോടെ ആകെ രോഗബാധിതരുടെ എണ്ണം പതിനെട്ട് കോടി നാല്പത്തിരണ്ട് ലക്ഷം കടന്നു.മരണസംഖ്യ 39.86 ലക്ഷമായി ഉയര്ന്നു. പതിനാറ് കോടി എണ്പത്തിയഞ്ച് ലക്ഷം പേര് രോഗമുക്തി നേടി.
ബ്രസീലിലാണ് ഇന്നലെ ഏറ്റവും കൂടുതല് പേര്ക്ക് കൊവിഡ് സ്ഥിരീകരിച്ചത്. കഴിഞ്ഞ ഇരുപത്തിനാല് മണിക്കൂറിനിടെ രാജ്യത്ത് അരലക്ഷത്തിലധികം കേസുകളാണ് റിപ്പോര്ട്ട് ചെയ്തത്. ഇതോടെ ആകെ രോഗബാധിതരുടെ എണ്ണം ഒരു കോടി എണ്പത്തിയേഴ് ലക്ഷം പിന്നിട്ടു.5.23 ലക്ഷം പേര് മരിച്ചു.
ഇന്ത്യയില് കഴിഞ്ഞ ദിവസം 44,111 പേര്ക്കാണ് കൊവിഡ് സ്ഥിരീകരിച്ചത്. നിലവില് 4.95 ലക്ഷം പേരാണ് ചികിത്സയിലുള്ളത്. മരണസംഖ്യ നാല് ലക്ഷം കടന്നു. രാജ്യത്ത് ഇതുവരെ നല്കിയ ആകെ വാക്സിന് ഡോസുകളുടെ എണ്ണം 35 കോടി പിന്നിട്ടു.