വാഷിങ്ടണ്: ഇസ്ലാം വിരുദ്ധ പ്രസ്താവന നടത്തിയതിന് തനിക്കെതിരെ വിമര്ശനമുന്നയിച്ച ബ്രിട്ടീഷ് പ്രധാനമന്ത്രി തെരേസ മേയ്ക്കെതിരെ ആഞ്ഞടിച്ച് ഡൊണാള്ഡ് ട്രംപ്.
നിങ്ങള് എന്റെ കാര്യം ശ്രദ്ധിക്കാതെ സ്വന്തം രാജ്യത്തിന്റെ കാര്യത്തില് ശ്രദ്ധിക്കാന് ട്രംപ് തെരേസ മേയോട് ആവശ്യപ്പെട്ടു.
‘തെരേസ മേ, എന്നെ ശ്രദ്ധിക്കരുത്, പകരം നിങ്ങളുടെ രാജ്യത്ത് ഉണ്ടാവുന്ന വിനാശകാരിയായ ഇസ്ലാം തീവ്രവാദത്തെ ശ്രദ്ധിക്കൂ, ഇവിടെയെല്ലാം സുഗമമാണ്’ എന്നായിരുന്നു ട്രംപ് ട്വിറ്ററില് കുറിച്ചത്.
കഴിഞ്ഞ ദിവസം മുസ്ലീം വിരുദ്ധ ആശയങ്ങള് പ്രചരിപ്പിക്കുന്ന മൂന്ന് വീഡിയോ സന്ദേശങ്ങള് ട്രംപ് ട്വിറ്ററിലൂടെ പങ്കുവെച്ചത് ഏറെ വിവാദങ്ങള്ക്ക് വഴി തുറന്നിരുന്നു.
ഇതിനെ വിമര്ശിച്ച് തെരേസ മേയുടെ വക്താവ് രംഗത്തെത്തിയിരുന്നു.
വിദ്വേഷകരമായ ആശയങ്ങള് പ്രചരിപ്പിച്ചതിലൂടെ ട്രംപ് തെറ്റ് ചെയ്തുവെന്നായിരുന്നു തെരേസ മേയുടെ വക്താവിന്റെ പ്രതികരണം.
ബ്രിട്ടണ് ഫസ്റ്റ് എന്ന ബ്രിട്ടണിലെ തീവ്ര ദേശീയവാദ പാര്ട്ടി നേതാവായ ജയ്ദാ ഫ്രാന്സെന് ട്വിറ്ററില് പോസ്റ്റ് ചെയ്ത വീഡിയോകളാണ് ട്രംപ് റീട്വീറ്റ് ചെയ്ത് വിവാദങ്ങള്ക്ക് വഴിവെച്ചത്.