ബിജു മേനോൻ വീണ്ടും പോലീസ് വേഷത്തിലെത്തുന്ന ചിത്രമാണ് തുണ്ട്. നവാഗതനായ റിയാസ് ഷെരീഫ് സംവിധാനം ചെയ്യുന്ന ചിത്രത്തിന്റെ ട്രെയിലർ അണിയറ പ്രവർത്തകർ പുറത്തുവിട്ടു. പോലീസ് ഉദ്യോഗസ്ഥർക്കായുള്ള ഒരു പൊതുപരീക്ഷയിൽ പങ്കെടുക്കുന്ന ബേബി ജോൺ എന്ന കോൺസ്റ്റബിളിന്റെ പരീക്ഷാ പേടിയും തുടർന്നുണ്ടാകുന്ന സംഭവ വികാസങ്ങളുമാണ് ചിത്രം പറയുന്നത്. പ്രേക്ഷകരെ ചിരിപ്പിക്കുകയും ത്രില്ലടിപ്പിക്കുകയും ചെയ്യുന്ന സിനിമയായിരിക്കും തുണ്ട് എന്ന് ഉറപ്പുനൽകുന്ന ട്രെയിലറാണ് പുറത്തു വന്നിരിക്കുന്നത്.
സംവിധായകൻ റിയാസ് ഷെരീഫും കണ്ണപ്പനും ചേർന്നാണ് തുണ്ടിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. ബിജു മേനോനെ കൂടാതെ ഷൈൻ ടോം ചാക്കോ, അഭിരാം രാധാകൃഷ്ണൻ, ഉണ്ണിമായ പ്രസാദ്, സജിൻ ചെറുകയിൽ, ഗോകുലൻ, ഷാജു ശ്രീധർ തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തുന്നു. തല്ലുമാല എന്ന ചിത്രത്തിന് ശേഷം ആഷിഖ് ഉസ്മാൻ പ്രൊഡക്ഷൻസ് നിർമ്മിക്കുന്ന ചിത്രം കൂടിയാണ് തുണ്ട്.
ഫെബ്രുവരി 16 ന് തുണ്ട് തീയേറ്ററുകകളിലെത്തും. ജിംഷി ഖാലിദാണ് ഛായഗ്രാഹകൻ. വിനായക് ശശികുമാർ-ഗാനരചന, ഗോപി സുന്ദർ- സംഗീത സംവിധാനം. എഡിറ്റിംഗ് – നമ്പു ഉസ്മാൻ, ഗാനരചന – വിനായക് ശശികുമാർ, കലാസംവിധാനം – ആഷിഖ് എസ്, സൗണ്ട് ഡിസൈൻ – വിക്കി കിഷൻ, ഫൈനൽ മിക്സ് – എം.ആർ. രാജകൃഷ്ണൻ, പ്രൊഡക്‌ഷൻ കൺട്രോളർ – സുധർമ്മൻ വള്ളിക്കുന്ന്, കോസ്റ്റ്യൂം – മഷർ ഹംസ, മേക്കപ്പ് – റോണക്‌സ് സേവ്യർ എന്നിവരാണ് മറ്റ് അണിയറ പ്രവർത്തകർ.
