കല്പ്പറ്റ: സംസ്ഥാനത്ത് ശക്തമായ മഴയെ തുടര്ന്ന് ബാണാസുര സാഗര് അണക്കെട്ടിന്റെ ഷട്ടറുകള് തുറക്കുന്നു. ഇന്ന് വൈകുന്നേരം മൂന്നിന് ശേഷം ഷട്ടറുകള് തുറന്ന് 50 ക്യുബിക് മീറ്റര് ജലം വീതം പുറത്ത് വിടും.
നിലവില് 774.30 മീറ്ററാണ് ബാണാസുര സാഗറിലെ ജലനിരപ്പ്. അണക്കെട്ടിന്റെ സംഭരണ ശേഷി 775.60 മീറ്ററും. ഷട്ടറുകള് തുറക്കുന്നതോടെ അണക്കെട്ടിന്റെ താഴ്വാരത്തെ കമാന്തോട്, പനമരം പുഴ എന്നിവിടങ്ങളില് ജലനിരപ്പ് 25 സെമീ മുതല് 60 സെമീ വരെ ഉയരാന് സാധ്യതയുണ്ട്. പ്രദേശവാസികള് ജാഗ്രത പുലര്ത്തണമെന്ന് കെഎസ്ഇബി മുന്നറിയിപ്പ് നല്കി.