കൊച്ചി : പാലാരിവട്ടം പാലം അഴിമതി കേസില് പൊതുമരാമത്ത് വകുപ്പ് മുന് സെക്രട്ടറി ടി ഒ സൂരജ് അടക്കമുള്ള നാല് പ്രതികളുടെയും റിമാന്ഡ് കാലാവധി ഇന്ന് അവസാനിക്കും.
പ്രതികള് സമര്പ്പിച്ച ജാമ്യാപേക്ഷയും ഹൈക്കോടതി ഇന്ന് പരിഗണിക്കുന്നുണ്ട്. ജാമ്യം നല്കരുതെന്നാണ് വിജിലന്സ് കഴിഞ്ഞ ദിവസം ആവശ്യപ്പെട്ടത്. ഇതിന്റെ തുടര്വാദവും ഇന്ന് കോടതിയില് തുടരും.
കേസിലെ ഒന്നാം പ്രതി സുമിത് ഗോയല്, രണ്ടാം പ്രതിയും കേരള റോഡ്സ് ആന്ഡ് ബ്രിഡ്ജസ് ഡെവലപ്മെന്റ് കോര്പറേഷന് അസിസ്റ്റന്റ് ജനറല് മാനേജരുമായ എം ടി തങ്കച്ചന്, മൂന്നാം പ്രതിയും കിറ്റ്കോ ജോയിന്റ് ജനറല് മാനേജരുമായ ബെന്നി പോള് എന്നിവരാണ് ജാമ്യാപേക്ഷ സമര്പ്പിച്ചിരിക്കുന്ന മറ്റ് പ്രതികള്.
പാലാരിവട്ടം പാലം അഴിമതിയില് പൊതുമരാമത്ത് വകുപ്പ് മുന് സെക്രട്ടറി ടി ഒ സൂരജിനെതിരെ കൂടുതല് തെളിവുകള് ഉല്ക്കൊള്ളിച്ചുകൊണ്ടുള്ള പുതിയ സത്യവാങ്മൂലം വിജിലന്സ് ഹൈക്കോടതിയില് സമര്പ്പിച്ചിരുന്നു. പാലം നിര്മ്മാണ സമയത്ത് സൂരജ് കൊച്ചിയില് കോടികളുടെ സ്വത്ത് വാങ്ങി. കോടികളുടെ കള്ളപ്പണ ഇടപാട് നടന്നുവെന്നും വിജിലന്സ് ഹൈക്കോടതിയില് സമര്പ്പിച്ച സത്യവാങ്മൂലത്തില് പറയുന്നുണ്ട്.