പുതുവർഷത്തിൽ അതായത് 2023-ലെ ഏറ്റവും വലിയ കാർ ലോഞ്ചുകളിലൊന്നായിരിക്കും അഞ്ച് ഡോറുകളുള്ള മഹീന്ദ്ര ഥാർ. മോട്ടോർബീമിന്റെ സമീപകാല റിപ്പോർട്ട് അനുസരിച്ച്, മഹീന്ദ്ര ഥാർ 5-ഡോർ 2023 ജനുവരി 26 ന് ഇന്ത്യയിൽ അനാച്ഛാദനം ചെയ്യും. അതായത് ഇത് ഇനി ഓട്ടോ എക്‌സ്‌പോയിൽ പ്രദർശിപ്പിക്കില്ല എന്നുറപ്പ്. നിലവിൽ, ഈ ഓഫ്-റോഡ് എസ്‌യുവിയുടെ ഔദ്യോഗിക ലോഞ്ച് തീയതിയുടെ വിശദാംശങ്ങൾ വെളിപ്പെടുത്തിയിട്ടില്ല. 2023 ന്റെ രണ്ടാം പകുതിയിൽ എസ്‌യുവി വിൽപ്പനയ്‌ക്ക് എത്തും എന്നാണ് റിപ്പോര്‍ട്ടുകള്‍.
ഇന്ത്യയിൽ അഞ്ച് വാതിലുകളുള്ള ഥാർ വരാനിരിക്കുന്ന അഞ്ച് ഡോർ മാരുതി ജിംനി, ഫോഴ്സ് ഗൂർഖ എന്നിവയുമായി മത്സരിക്കും. മൂന്ന് ഡോർ മഹീന്ദ്ര ഥാറിന് 13.59 ലക്ഷം മുതൽ 16.29 ലക്ഷം രൂപ വരെ വില പ്രതീക്ഷിക്കുന്നു. അതേസമയം അഞ്ച് ഡോർ മോഡലിന് ഏകദേശം 90,000 മുതൽ ഒരു ലക്ഷം രൂപ വരെ വില കൂടും. ഥാറിന്റെ ലോംഗ് വീൽബേസ് പതിപ്പിനായി കാർ നിർമ്മാതാവ് പുതിയ നെയിംപ്ലേറ്റ് ഉപയോഗിക്കാനുള്ള സാധ്യതയുമുണ്ട്.
മഹീന്ദ്ര ആൻഡ് മഹീന്ദ്ര അഞ്ച് ഡോർ ഥാറിനെ ഒരു ലൈഫ്‌സ്‌റ്റൈൽ ഓഫ് റോഡ് എസ്‌യുവിയായി അവതരിപ്പിക്കും. ഇത് ഒരു വലിയ വിഭാഗത്തെ ടാർഗെറ്റുചെയ്യാൻ കമ്പനിയെ പ്രാപ്‌തമാക്കും. എസ്‌യുവി വിപുലീകരിച്ച വീൽബേസുമായി വരും, ഇത് ‘ബ്രേക്ക്ഓവർ’ ആംഗിൾ കുറയ്ക്കാൻ സഹായിക്കും. മികച്ച വീൽബേസിനായി, കമ്പനി ചക്രങ്ങൾക്കിടയിലുള്ള വീതി വർദ്ധിപ്പിച്ചേക്കും. മഹീന്ദ്ര ഥാർ 5-ഡോർ അതിന്റെ 3-ഡോർ പതിപ്പിനേക്കാൾ 15 ശതമാനം നീളം കൂടുതലുള്ളതായിരിക്കും. മൂന്ന് ഡോർ പതിപ്പ് ഥാറിന് 3,985 എംഎം നീളം ഉണ്ടാകും.
എഞ്ചിനുകളുടെ കാര്യത്തിൽ, പുതിയ അഞ്ച് ഡോർ മഹീന്ദ്ര ഥാർ നിലവിലെ അതേ 2.2L എംഹോക്ക് ഡീസൽ, 2.0L എംസ്റ്റാലിയൻ പെട്രോൾ എഞ്ചിനുകൾ ഉപയോഗിക്കും. അവ മൂന്ന് ഡോർ പതിപ്പിലും ലഭ്യമാണ്. എന്നിരുന്നാലും, രണ്ട് എഞ്ചിനുകളും മികച്ച പവറിനും ഉയർന്ന ടോർക്ക് ഔട്ട്പുട്ടിനുമായി വീണ്ടും ട്യൂൺ ചെയ്യാവുന്നതാണ്. ഇത് മാനുവൽ അല്ലെങ്കിൽ ഓട്ടോമാറ്റിക് ഗിയർബോക്‌സുമായി ജോടിയാക്കിയേക്കാം. സ്റ്റാൻഡേർഡ് 4X4 സിസ്റ്റത്തിൽ വരുന്ന മൂന്ന്-ഡോർ ഥാറിൽ നിന്ന് വ്യത്യസ്‍തമായി ഇത് 4X4, 4X2 ഡ്രൈവ്ട്രെയിൻ ഓപ്ഷനുകളിൽ നൽകാം. വാങ്ങുന്നവർക്ക് ആറ്, ഏഴ് സീറ്റ് കോൺഫിഗറേഷനുകളുടെ ഓപ്ഷനും ഉണ്ടായിരിക്കുമെന്നാണ് റിപ്പോര്‍ട്ടുകള്‍. പുതിയ മഹീന്ദ്ര ഥാറിന്റെ ഇന്റീരിയർ ലേഔട്ടും സവിശേഷതകളും മൂന്ന്-ഡോർ പതിപ്പിന് സമാനമായി തുടരുമെന്ന് പ്രതീക്ഷിക്കുന്നു.
