ന്യൂഡല്‍ഹി: താജ് പാലസ് ഹോട്ടലില്‍ അമേരിക്കന്‍ യുവതിയെ പീഡിപ്പിക്കാന്‍ ശ്രമിച്ച യുവാവിനെ പൊലീസ് അറസ്റ്റ് ചെയ്തു. 22കാരനായ അന്‍മോള്‍സിംഗ് ഖാര്‍ബന്‍ഡ എന്ന എന്‍ ആര്‍ ഐ യുവാവിനെയാണ് പൊലീസ് അറസ്റ്റ് ചെയ്തത്. ജനുവരി എട്ടിനാണ് സംഭവം നടക്കുന്നത്.
താജ് ഹോട്ടലിന്റെ ബാറില്‍ വച്ച് യുവാവ് സ്ത്രീയെ പരിചയപ്പെടുകയും, ഇവരെ മുറിയിലേക്ക് ക്ഷണിക്കുകയും ചെയ്തു. മുറിയിലെത്തിയ ഉടനെ ഇയാള്‍ സ്ത്രീയോട് മോശമായി പെരുമാറുകയായിരുന്നു. തുടര്‍ന്ന് സ്ത്രീ നിലിവിളിച്ച് പുറത്തേക്ക് ഓടി.
പിന്നീട് ഇവര്‍ ഡല്‍ഹി പൊലീസില്‍ പരാതി നല്‍കി. ഇതിന്റെ അടിസ്ഥാനത്തിലാണ് ഇപ്പോള്‍ യുവാവിനെ അറസ്റ്റ് ചെയ്തിരിക്കുന്നത്. ഗൂഗിളില്‍ കോണ്‍ട്രാക്ട് വ്യവസ്ഥയിലുള്ള തൊഴിലാളിയാണ് ഇയാള്‍.
