കോഴിക്കോട്: ഐഎന്എല് സംസ്ഥാന സെക്രട്ടറിയേറ്റ്, സംസ്ഥാന വര്ക്കിംഗ് കമ്മിറ്റി, സംസ്ഥാന കൗണ്സില് എന്നിവ പിരിച്ചുവിട്ടു. പാര്ട്ടിയുടെ ഭരണഘടനാപരമായ ഉത്തരവാദിത്വങ്ങള് നിറവേറ്റുന്നതില് വീഴ്ച വന്നതായി കണ്ടെത്തിയതിന്റെ അടിസ്ഥാനത്തിലാണ് നടപടി. ഇന്ന് ചേര്ന്ന ഐഎന്എല് ദേശീയ കൗണ്സില് യോഗത്തിലാണ് തീരുമാനം ഉണ്ടായത്. 2021 മാര്ച്ച് 20 ന് തന്നെ കമ്മിറ്റിയുടെ കാലാവധി കഴിഞ്ഞിരുന്നു.
2022 മാര്ച്ച് 31ന് മുമ്പായി പുതിയ സംസ്ഥാന വര്ക്കിങ് കമ്മിറ്റി ചുമതലയേല്ക്കുന്ന വിധം അംഗത്വം കാമ്പയിനും സംഘടനാ തെരഞ്ഞെടുപ്പും പൂര്ത്തിയാക്കുന്നതിന് ഏഴംഗ അഡ്ഹോക് കമ്മിറ്റിയെ അധികാരപ്പെടുത്തി.