പുതുപ്പള്ളി ഉപതിരഞ്ഞെടുപ്പ് കാലത്ത് പ്രതിപക്ഷ നേതാവ് വി.ഡി.സതീശനെതിരെ റജിസ്റ്റര് ചെയ്ത കേസ് ഹൈക്കോടതി സ്റ്റേ ചെയ്തു. മുന്മുഖ്യമന്ത്രി ഉമ്മന് ചാണ്ടിയെക്കുറിച്ച് ചാനലിന് മുന്നില് സംസാരിച്ചതുമായി ബന്ധപ്പെട്ട് മൃഗാശുപത്രി താൽക്കാലിക ജീവനക്കാരി പി.ഒ.സതിയമ്മയെ ജോലിയില് നിന്നു പിരിച്ചു വിട്ടതിനെതിരായ പ്രതിഷേധവുമായി ബന്ധപ്പെട്ടായിരുന്നു കേസ്.
ഈ കേസിന്റെ എഫ്ഐആര് റദ്ദാക്കണമെന്ന് ആവശ്യപ്പെട്ട് വി.ഡി.സതീശൻ നല്കിയ ഹർജിയിലാണ് ഹൈക്കോടതിയുടെ ഇടക്കാല വിധിജോലിയില്നിന്നു പിരിച്ചുവിട്ട വിവരം പുറത്തുവന്നതോടെ മൃഗാശുപത്രിയുടെ പുതുപ്പള്ളി സബ് സെന്ററിനു മുന്നില് സതിയമ്മ ഭര്ത്താവ് രാധാകൃഷ്ണനോടൊപ്പം ഉപരോധസമരം നടത്തി. പ്രതിപക്ഷ നേതാവ് ഉൾപ്പെടെയുള്ളവർ ഇവരെ സന്ദര്ശിച്ചിരുന്നു. അന്യായമായി സംഘം ചേരല്, അതിക്രമിച്ചു കയറല്, കലാപം ഉള്പ്പെടെയുള്ള വകുപ്പുകള് ചുമത്തിയാണ് പ്രതിപക്ഷ നേതാവും എം.പിമാരും ഉള്പ്പെടെ 25 കോണ്ഗ്രസ് നേതാക്കള്ക്കെതിരെ കോട്ടയം ഈസ്റ്റ് പൊലീസ് കേസെടുത്തത്.