ഒരു വര്‍ഷത്തിനുള്ളില്‍ മിഡ്-എസ് യു വി സെഗ്മെന്റില്‍ ഏറ്റവും വേഗതയേറിയ ഒരുലക്ഷം വില്‍പ്പന എന്ന നാഴികക്കല്ല് സ്വന്തമാക്കി മാരുതി സുസ്‌ക്കിയുടെ ഗ്രാന്‍ഡ് വിറ്റാര. മാരുതി സുസുക്കി ഇതുവരെ 1.20 ലക്ഷം യൂണിറ്റ് ഗ്രാന്‍ഡ് വിറ്റാര വിറ്റഴിച്ചു. നിലവില്‍ അതിന്റെ സെഗ്മെന്റില്‍ ഏറ്റവുമധികം വില്‍ക്കപ്പെടുന്ന രണ്ടാമത്തെ എസ് യു വി യാണിത്. ഒന്നിലധികം എഞ്ചിന്‍-ഗിയര്‍ബോക്സ് കോമ്പിനേഷനുകളും ഫ്രണ്ട്-വീല്‍, ഓള്‍-വീല്‍-ഡ്രൈവ് എന്നിവയുള്‍പ്പെടെയുള്ള ഡ്രൈവ് ട്രെയിനുകളും മാരുതി ഗ്രാന്‍ഡ് വിറ്റാര എസ് യു വി യിലുണ്ട്. 26.6കിലോ മീറ്റര്‍ / കിലോ ഗ്രാം ഇന്ധനക്ഷമത വാഗ്ദാനം ചെയ്യുന്ന സി എന്‍ ജി ഓപ്ഷനും ഇത് വാഗ്ദാനം ചെയ്യുന്നു.
ടൊയോട്ട ഹൈറൈഡറിനും മാരുതി ബ്രെസ്സയ്ക്കും അടിവരയിടുന്ന സുസുക്കിയുടെ ഗ്ലോബല്‍ സി പ്ലാറ്റ്ഫോമിനെ അടിസ്ഥാനമാക്കിയുള്ളതാണ് മാരുതി ഗ്രാന്‍ഡ് വിറ്റാര. 1.5 ലിറ്റര്‍, 4-സിലിണ്ടര്‍ കെ 15 സി സ്മാര്‍ട്ട് ഹൈബ്രിഡ് പെട്രോളും 1.5 ലിറ്റര്‍, 3-സിലിണ്ടര്‍ അറ്റ്കിന്‍സണ്‍ സൈക്കിള്‍ ടി എന്‍ ജി എ പെട്രോള്‍ പവര്‍ട്രെയിനുകളുമായാണ് എസ്യുവി വരുന്നത്. മൈല്‍ഡ് ഹൈബ്രിഡ് സെറ്റപ്പ് 103 ബിഎച്ച്പിയും 136 എന്‍എം ടോര്‍ക്കും വാഗ്ദാനം ചെയ്യുന്നു, കൂടാതെ 5-സ്പീഡ് മാനുവല്‍ അല്ലെങ്കില്‍ 6-സ്പീഡ് ടോര്‍ക്ക് കണ്‍വെര്‍ട്ടര്‍ ഓട്ടോമാറ്റിക് ഗിയര്‍ബോക്സും. ഹ്യുണ്ടായ് ക്രെറ്റ മാത്രമാണ് ഗ്രാന്‍ഡ് വിറ്റാരെയുടെ തൊട്ടുമുന്നിലുള്ളത്. പുതിയ ഗ്രാന്‍ഡ് വിറ്റാര എസ്യുവി ടൊയോട്ടയുടെ ബിഡാദി നിര്‍മാണ പ്ലാന്റിലാണ് നിര്‍മ്മിക്കുന്നത്. നിറമുള്ള ഹെഡ്-അപ്പ് ഡിസ്പ്ലേ, 360-ഡിഗ്രി പാര്‍ക്കിംഗ് ക്യാമറ സിസ്റ്റം, വെന്റിലേറ്റഡ് സീറ്റുകള്‍ മുതലായ ഹൈടെക് ഫീച്ചറുകളാല്‍ സമ്പന്നമാണ്. ഈ മോഡലില്‍ ഓപ്ഷണല്‍ സുസുക്കിയുടെ ഓള്‍ഗ്രിപ്പ് എഡബ്ല്യുഡി സിസ്റ്റവും ലഭിക്കും. 10.70 ലക്ഷം രൂപയാണ് ഗ്രാന്‍ഡ് വിറ്റാരയുടെ പ്രാരംഭ എക്സ് ഷോറൂം വില.
