കോഴിക്കോട്: കോഴിക്കോട് പേരാമ്പ്രയിൽ സിപിഐഎം പാർട്ടി ഓഫീസിന് തീയിട്ടു. ഇന്നലെ രാത്രിയാണ് വാല്യക്കോട് ടൗൺ ബ്രാഞ്ച് ഓഫീസിന് തീയിട്ടത്. സംഭവത്തിൽ ഫർണ്ണിച്ചറുകളും മറ്റ് ഫയലുകളും കത്തി നശിച്ചു. പേരാമ്പ്ര പൊലീസ് അന്വേഷണം ആരംഭിച്ചിട്ടുണ്ട്.
വഴിയാത്രക്കാരാണ് സിപിഐഎം ഓഫീസ് കത്തുന്ന വിവരം പൊലീസിനെ അറിയിച്ചത്. തുടർന്ന് പൊലീസെത്തി തീ അണയ്ക്കുകയിരുന്നു.
മുഖ്യമന്ത്രിക്ക് നേരെ വിമാനത്തിലുണ്ടായ പ്രതിഷേധത്തെ തുടർന്നാണ് ഇത്തരത്തിൽ സംസ്ഥാന വ്യാപകമായി അക്രമം ഉണ്ടാകുന്നത്. ഇതിന്റെ ഭാഗമായി കോഴിക്കോട് ജില്ലയിലും അക്രമസംഭവങ്ങൾ തുടരുകയാണ്.
