ഡല്ഹി: വീടുകളും കടകളും ബുള്ഡോസര് ഉപയോഗിച്ച് തകര്ത്ത ഡല്ഹിയിലെ ജഹാംഗീര്പുരി ഇന്ന് സിപിഐ നേതൃസംഘം സന്ദര്ശിക്കും. ജനറല് സെക്രട്ടറി ഡി.രാജയുടെ നേതൃത്വത്തിലാണ് സന്ദര്ശനം. ഐക്യദാര്ഢ്യമര്പ്പിക്കാനാണ് സന്ദര്ശനമെന്ന് സിപിഐ നേതൃസംഘം പറഞ്ഞു
അതിനിടെ ഇന്നലെ സന്ദര്ശനത്തിനെത്തിയ കോണ്ഗ്രസ് സംഘത്തെ പൊലീസ് തടഞ്ഞിരുന്നു. ഡല്ഹി കോണ്ഗ്രസ് അധ്യക്ഷന് അനില് ചൗധരി, എഐസിസി ജനറല് സെക്രട്ടറി അജയ് മാക്കന്, ഡല്ഹിയുടെ എഐസിസി ചുമതലയുള്ള ശക്തി സിന് ഗോഹില് എന്നിവരുള്പ്പെടെ 16 അംഗ കോണ്ഗ്രസ് പ്രതിനിധി സംഘത്തെയാണ് പൊലീസ് തടഞ്ഞത്. ഇന്നലെ ഡല്ഹി മുന്സിപ്പല് കോര്പ്പറേഷന് കെട്ടിടങ്ങള് പൊളിച്ച പ്രദേശത്താണ് കോണ്ഗ്രസ് പ്രതിനിധികളെത്തിയത്. കോര്പ്പറേഷന്റെ നടപടി നിയമവിരുദ്ധമാണെന്ന് കോണ്ഗ്രസ് നേതാക്കള് ആരോപിച്ചു.