തിരുവനന്തപുരം: സ്വര്ണക്കടത്തുമായി ബന്ധപ്പെട്ട എന്ഐഎ കേസില് എം ശിവശങ്കര് നല്കിയ ജാമ്യപേക്ഷ കോടതി ഇന്ന് പരിഗണിക്കും. കസ്റ്റംസ്, എന്ഫോഴ്സ്മെന്റ് കേസുകളില് ഹൈക്കോടതിയില് നല്കിയ മുന്കൂര് ജാമ്യാപേക്ഷകള് നാളെ വിധി പറയാന് മാറ്റി വെച്ചിരിക്കുകയാണ്.
മുന്കൂര് ജാമ്യത്തെ എതിര്ത്ത് എന്ഫോഴ്സ്മെന്റ് ഇന്നലെ എതിര് സത്യവാങ്ങ്മൂലം നല്കിയിരുന്നു. അന്വേഷണം പുരോഗമിക്കുകയാണെന്നും കസ്റ്റഡിയില് ചോദ്യം ചെയ്യല് വേണ്ടി വന്നേക്കാമെന്നും സത്യവാങ്ങ്മൂലത്തില് പറയുന്നു. സ്വപ്നയുടെ സ്വര്ണക്കടത്തിനെക്കുറിച്ച് ശിവശങ്കറിന് അറിയാതിരിക്കാന് സാധ്യതയില്ലെന്ന് ഇഡിയുടെ സത്യവാങ്മൂലത്തിലുണ്ട്.