ന്യൂഡല്‍ഹി: നീറ്റ്, ജെഇഇ പരീക്ഷ വിഷയത്തില്‍ കേന്ദ്രസര്‍ക്കാര്‍ വിദ്യാര്‍ത്ഥികളുടെ ശബ്ദം അവഗണിക്കരുതെന്ന് കോണ്‍ഗ്രസ് അധ്യക്ഷ സോണിയാ ഗാന്ധി. ട്വിറ്ററിലൂടെയാണ് സോണിയ ഗാന്ധി പ്രതികരിച്ചത്.
സര്‍വ്വകലാശാല അവസാന വര്‍ഷ പരീക്ഷകള്‍ യുജിസി നിര്‍ദ്ദേശിച്ച സമയത്തു തന്നെ പൂര്‍ത്തിയാക്കണമെന്ന സുപ്രീംകോടതി വിധി വരികയും നീറ്റ്-ജെഇഇ പരീക്ഷ നടത്താനുള്ള തീരുമാനത്തിനെതിരെ പ്രതിപക്ഷസംഘടനകള്‍ പ്രതിഷേധം തുടരുകയും ചെയ്യുന്നതിനിടെയാണ് സോണിയാ ഗാന്ധിയുടെ പ്രതികരണം.
Students are our future, we depend on them to build a better India, therefore, if any decision has to be taken regarding their future it is important that it is taken with their concurrence.: Congress President Smt. Sonia Gandhi #SpeakUpForStudentSafety pic.twitter.com/Jf18cmykbd
— Congress (@INCIndia) August 28, 2020
‘വിദ്യാര്‍ത്ഥികളാണ് നമ്മുടെ ഭാവി. മികച്ച ഇന്ത്യ കെട്ടിപ്പടുക്കാന്‍ അവരെയാണ് നാം ആശ്രയിക്കേണ്ടത്. അവരുടെ ഭാവി സംബന്ധിച്ച് എന്തെങ്കിലും തീരുമാനങ്ങളെടുക്കുകയാണെങ്കില്‍ അത് അവരുടെ സമ്മതം കൂടി നേടിയാവണം’. സോണിയ ട്വീറ്റ് ചെയ്തു.
