പാലക്കാട്: പാലക്കാട് ധോണി വെള്ളച്ചാട്ടത്തിൽ ഇന്നലെ കാണാതായ വിദ്യാർത്ഥിയുടെ മൃതദേഹം കണ്ടെത്തി. പെരുങ്ങോട്ടുകുറിശി സ്വദേശി അജിലിൻ്റെ (18) മൃതദേഹമാണ് കണ്ടെത്തിയത്. ഇന്നലെ ഉച്ചയോടെയാണ് പത്ത് അംഗ സംഘത്തിനൊപ്പം ധോണിയിലെത്തിയ അജിനെ കാണാതായത്.
ട്രക്കിങ്ങിനിടെ കാല് വഴുതി താഴേക്ക് വീഴുകയായിരുന്നു.
മുങ്ങൽ വിദഗ്ദരുടെ സഹായത്തോടെ നടത്തിയ തിരച്ചിലിനൊടുവിലാണ് മൃതദേഹം കണ്ടത്തെത്തിയത്. കോട്ടായി സര്ക്കാര് ഹയര് സെക്കൻഡറി സ്കൂളിൽ പ്ലസ് ടു പരീക്ഷ എഴുതി റിസൾട്ടിനായി കാത്തിരിക്കുകയായിരുന്നു അജിൽ.