അടുത്തവര്‍ഷം 50,000 സെമി ട്രക്കുകള്‍ നിര്‍മിക്കാനുള്ള ലക്ഷ്യവുമായി ഇലോണ്‍ മസ്‌കിന്റെ വൈദ്യുത വാഹന നിര്‍മാണ കമ്പനിയായ ടെസ്‌ല . അടുത്ത വര്‍ഷം സെമി ട്രക്ക് നിര്‍മാണം വര്‍ധിപ്പിക്കുമെന്ന മസ്‌കിന്റെ പ്രസ്താവന ടെസ്ലരാറ്റിയാണ് റിപ്പോര്‍ട്ട് ചെയ്തത്.വടക്കെ അമേരിക്കയ്ക്ക് പുറത്തേക്കും തങ്ങള്‍ വിപണി വ്യാപിപ്പിക്കുമെന്നും അദ്ദേഹം പറഞ്ഞു. വില ഇപ്പോള്‍ പറയുന്നില്ലെങ്കിലും അത് യാത്രാ വാഹനങ്ങളേക്കാള്‍ കൂടുതലായിരിക്കുമെന്ന് അദ്ദേഹം കൂട്ടിച്ചേര്‍ത്തു.
നിലവില്‍ യുഎസിലെ ക്ലാസ് 8 ട്രക്ക് വിപണിയില്‍ ഫ്രെയ്റ്റ്‌ലൈനര്‍ എന്ന കമ്പനിയാണ് മുന്നിലുള്ളത്. 2020 ല്‍ മാത്രം 71000 യൂണിറ്റുകളാണ് ഇവര്‍ വിറ്റഴിച്ചത്. 2019 ല്‍ ഒരു ലക്ഷം യൂണിറ്റുകളും ഇവര്‍ വിറ്റഴിച്ചിട്ടുണ്ട്.ടെസ്ലയുടെ പൂര്‍ണമായും വൈദ്യുതിയില്‍ പ്രവര്‍ത്തിക്കുന്ന ട്രക്കുകളാണ് സെമി. ഒറ്റ ചാര്‍ജില്‍ 482 കിലോമീറ്റർ മുതല്‍ 804 കിലോമീറ്റർ വരെ സഞ്ചരിക്കാനും മണിക്കൂറില്‍ 90 ലേറെ കീലോമീറ്റര്‍ വരെ വേഗത്തില്‍ സഞ്ചരിക്കാനും സെമിയ്ക്ക സാധിക്കും. 30 മിനിറ്റില്‍ 70 ശതമാനം ചാര്‍ജ് ചെയ്യാനും ഇതില്‍ സാധിക്കും
