ശ്രീനഗര്: ജമ്മു കശ്മീരിൽ സൈനികനെ ഭീകരർ തട്ടിക്കൊണ്ടുപോയി. ജമ്മു ആന്റ് കശ്മീർ ലൈറ്റ് ഇൻഫൻട്രിയിൽ ജോലി ചെയ്തിരുന്ന സൈനികനെയാണ് തട്ടിക്കൊണ്ടു പോയത്.
ബദ്ഗാമിലെ ഖാസിപോരയിലെ വീട്ടിലായിരുന്നു മൊഹമ്മദ് യാസീൻ ഭട്ട്. ഈ മാസം അവസാനം വരെ യാസീൻ അവധിയിലായിരുന്നു.
രാത്രി ഒന്പതോടെയാണ് സൈനികര്ക്കും ജമ്മുകാഷ്മീര് പോലീസിനും ഇത് സംബന്ധിച്ച വിവരം ലഭിച്ചത്. ബദ്ഗാമിലെ സൈനികന്റെ വീട് സൈന്യത്തിന്റെ പൂര്ണ സുരക്ഷയിലാണ് ഇപ്പോഴെന്നാണ് വിവരം.
സ്ഥലത്തേക്ക് കരസേനയെയും അർധസൈനികവിഭാഗത്തെയും നിയോഗിച്ചിട്ടുണ്ട്. ഇവരുടെ നേതൃത്വത്തിലാണ് തെരച്ചിൽ നടക്കുന്നത്.