പണമടച്ച് ഉപയോഗിക്കാവുന്ന ‘പ്രീമിയം സബ്സ്ക്രിപ്ഷൻ’ സേവനം ഔദ്യോഗികമായി അവതരിപ്പിച്ച് ടെലിഗ്രാം. പണമടച്ചുള്ള സേവനത്തിന് ടെലഗ്രാം പ്രതിമാസം 4.99 ഡോളര്‍ ഈടാക്കും. 4GB വരെ ഫയൽ അപ്‌ലോഡുകൾ, വേഗത്തിലുള്ള ഡൗൺലോഡുകൾ, എക്സ്ക്ലൂസീവ് സ്റ്റിക്കറുകൾ, ഫാസ്റ്റ് റീപ്ലേ തുടങ്ങിയ നിരവധി അധിക സേവനങ്ങള്‍ പെയ്ഡ് ടെലഗ്രാം സബ്‌സ്‌ക്രിപ്‌ഷനില്‍ ലഭിക്കും.
പ്രീമിയം സ്പെഷ്യൽ ബാഡ്ജ് പെയ്ഡ് ഉപയോക്താക്കൾക്ക് ലഭിക്കും. പ്രീമിയം വരിക്കാർക്ക് സാധാരണ ഉപയോക്താക്കളേക്കാൾ 1,000 ചാനലുകൾ വരെ പിന്തുടരാനും, 200 ചാറ്റുകൾ വീതമുള്ള 20 ചാറ്റ് ഫോൾഡറുകൾ സൃഷ്‌ടിക്കാനും ടെലിഗ്രാമിൽ മൂന്ന് അക്കൗണ്ടുകൾക്ക് പകരം മൊത്തം നാല് അക്കൗണ്ടുകൾ ചേർക്കാനും കഴിയും. അവർക്ക് പ്രധാന ലിസ്റ്റിൽ 10 ചാറ്റുകൾ വരെ പിൻ ചെയ്യാനും ഒരു ലിങ്ക് ഉപയോഗിച്ച് ദൈർഘ്യമേറിയ ബയോസ് ഇടാനും ആപ്പിൽ ഉടനീളം കാണിക്കാൻ കഴിയുന്ന ആനിമേറ്റഡ് പ്രൊഫൈൽ ചിത്രങ്ങളും നൽകാനും കഴിയും.
ചാറ്റുകൾ മികച്ച രീതിയിൽ ഓർഗനൈസ് ചെയ്യുന്നതിനുള്ള പുതിയ ടൂളുകളും ടെലിഗ്രാം പ്രീമിയത്തില്‍ ലഭിക്കും. ടെലിഗ്രാം പ്രീമിയത്തിനൊപ്പം 10-ലധികം പുതിയ ഇമോജികൾക്കൊപ്പം പൂർണ്ണ സ്‌ക്രീൻ ആനിമേഷനുകളും വരിക്കാർക്ക് ലഭിക്കും. വോയ്‌സ് ടു ടെക്‌സ്‌റ്റ് ഫീച്ചറും ലഭ്യമാകും. ടെലഗ്രാം അവതരിപ്പിക്കുന്ന ഫീച്ചറുകള്‍ നേരത്തെ “പ്രീമിയം” സബ്സ്ക്രിപ്ഷൻ സേവനം ഉപയോഗിക്കുന്നവര്‍ക്ക് ലഭിക്കും.
