ആമസോണ്‍, ഹാന്‍ഡ് സാനിറ്റൈസര്‍ ഫെയ്സ് മാസ്‌കുകള്‍ എന്നിവയ്ക്കുള്ള വില്‍പ്പനയ്ക്ക് നിയന്ത്രണമേര്‍പ്പെടുത്തി. കൊറോണ വൈറസ് പടരുന്ന സാഹചര്യത്തില്‍ ഇവ കൂടുതല്‍ വാങ്ങാനായി വിവിധ വില്‍പ്പനക്കാര്‍ കൂടുതല്‍ പ്രൊമോഷന്‍ നല്‍കുന്നതിനും ഡിസ്‌ക്കൗണ്ടുകള്‍ നല്‍കുന്നതിനുമൊക്കെ വിലക്ക് ഏര്‍പ്പെടുത്തിയിട്ടുണ്ട്. വൈറസിനെ പ്രതിരോധിക്കുമെന്നും രോഗം സുഖപ്പെടുത്തുമെന്നുമുള്ള അവകാശവാദത്തെത്തുടര്‍ന്നാണ് ഈ തിരക്കിട്ട നീക്കം.
കൊറോണ വൈറസുമായി ബന്ധപ്പെട്ട എല്ലാ ഉല്‍പ്പന്നങ്ങളും ഫെയ്സ് മാസ്‌കുകള്‍, ഹാന്‍ഡ് സാനിറ്റൈസറുകള്‍, അണുവിമുക്തമാക്കുന്ന വൈപ്പുകളും സ്പ്രേകളും, മൂന്നാം കക്ഷി വില്‍പ്പനക്കാര്‍ വില്‍ക്കുന്ന ഐസോപ്രൊപൈല്‍ മദ്യം എന്നിവയും നിയന്ത്രിക്കപ്പെടുമെന്നാണ് റിപ്പോര്‍ട്ട്.
ബുധനാഴ്ച വില്‍പ്പനക്കാര്‍ക്ക് അയച്ച കുറിപ്പിലാണ് തീരുമാനം. മാര്‍ച്ച് 12 മുതല്‍ മെയ് 31 നിയന്ത്രണം തുടരും. പുതിയ പോളിസി പ്രകാരം തെറ്റായി ടാര്‍ഗെറ്റുചെയ്യപ്പെടുന്നുവെന്ന് തോന്നിയാല്‍ വില്‍പ്പനക്കാര്‍ക്ക് അവരുടെ വില്‍പ്പന സപ്പോര്‍ട്ട് വിങ്ങുമായി ബന്ധപ്പെടാമെന്നും ആമസോണ്‍ അറിയിച്ചിട്ടുണ്ട്. പുതിയ ലിസ്റ്റിംഗിനായുള്ള എല്ലാ അപേക്ഷകളും ആമസോണ്‍ തിരസ്‌ക്കരിക്കുന്നുവെന്നും നിലവിലുള്ള വില്‍പ്പനക്കാരെ മാത്രമേ സൈറ്റില്‍ തുടരാന്‍ അനുവദിക്കൂ എന്നും വ്യക്തമാക്കി.
നിലവില്‍ ആമസോണില്‍ സാനിറ്റൈസര്‍ക്കായി തിരയുകയാണെങ്കില്‍, ന്യായമായ വിലയുള്ളതായി തോന്നുന്ന നിരവധി ഉല്‍പ്പന്നങ്ങള്‍ കാണാമെങ്കിലും ഇവയൊന്നും തന്നെ ഉപയോക്താക്കള്‍ക്ക് വാങ്ങാനാവില്ല. ഈ ഉല്‍പ്പന്നങ്ങള്‍ തെറ്റിദ്ധരിപ്പിക്കുന്ന അവകാശവാദങ്ങള്‍ ഉന്നയിച്ചതിനാല്‍ ആമസോണ്‍ ഇത്തരത്തില്‍ ഒരു ദശലക്ഷത്തിലധികം ഉല്‍പ്പന്നങ്ങള്‍ വില്‍ക്കുന്നതാണ് തടഞ്ഞത്. ഈ ഉല്‍പ്പന്നങ്ങള്‍ തെറ്റായ ആന്റി കൊറോണ വൈറസ് ക്ലെയിമുകള്‍ നടത്തിയെന്ന് ആമസോണ്‍ വ്യക്തമാക്കി. വിലക്കയറ്റത്തിനും വഞ്ചനാപരമായ വിപണനത്തിനുമെതിരായ പോരാട്ടമാണിതെന്നും ആമസോണ്‍ വ്യക്തമാക്കി.
