തിരുവനന്തപുരം:ഓണ്ലൈന് ക്ലാസുകള്, പരീക്ഷകള്, പ്ലസ് വണ് പ്രവേശം എന്നിവ ആരംഭിക്കേണ്ടതിനാല് അധ്യാപകരെ കോവിഡ് ഡ്യൂട്ടിയില്നിന്ന് ഒഴിവാക്കും. എല്ലാ പൊതുപരിപാടികള്ക്കും മുന്കൂര് അനുമതി വാങ്ങണം. സര്ക്കാര് ഓഫീസുകളില് ഓണത്തോടനുബന്ധിച്ച് പൂക്കളം ഇടുന്നതൊഴികെയുള്ള ആഘോഷപരിപാടികള് ഒഴിവാക്കണമെന്നും മുഖ്യമന്ത്രി പിണറായി വിജയന് നിര്ദേശിച്ചു.
കൂടാതെ, കണ്ടെയ്ന്മെന്റ് സോണില് കോവിഡ് ഇല്ലാത്ത മുഴുവന് പേര്ക്കും വാക്സിന് നല്കും. എല്ലാവരെയും പരിശോധിക്കാനും മുഖ്യമന്ത്രിയുടെ അധ്യക്ഷതയില് ചേര്ന്ന കോവിഡ് അവലോകനയോഗം തീരുമാനിച്ചു.