മെറിലാന്ഡ്: എട്ടാം ക്ലാസുകാരനെ മദ്യവും ലഹരിയും നല്കി ലൈംഗികമായി പീഡിപ്പിച്ച അധ്യാപിക അറസ്റ്റില്. അമേരിക്കയിലെ മെറിലാന്ഡിലാണ് സംഭവം. എട്ട് വര്ഷം മുന്പ് നടന്ന സംഭവത്തിലാണ് കഴിഞ്ഞ ദിവസം അറസ്റ്റ് നടന്നത്. 14 വയസ് പ്രായമുള്ളപ്പോള് നടന്ന ലൈംഗിക പീഡനത്തേക്കുറിച്ച് അടുത്തിടെയാണ് യുവാവ് പരാതി നല്കിയത്. മെലിസ മേരീ കര്ട്ടിസ് എന്ന 31 കാരിയെയാണ് പൊലീസ് അറസ്റ്റ് ചെയ്തത്.
ഇതിന് ശേഷം മറ്റൊരു സ്കൂളിലേക്ക് ഇവര് മാറിപ്പോയിരുന്നു. ഒക്ടോബര് അഴസാന വാരത്തിലാണ് അധ്യാപികയെ അറസ്റ്റ് ചെയ്യാനുള്ള വാറന്റ് പുറത്തിറങ്ങിയത്. പ്രായപൂര്ത്തിയാകാത്ത വിദ്യാര്ത്ഥിയെ പീഡിപ്പിച്ചതിനും മറ്റ് ലൈംഗിക പീഡനക്കേസുകളും ചുമത്തിയാണ് യുവതിയെ അറസ്റ്റ് ചെയ്തിട്ടുള്ളത്. ചോദ്യം ചെയ്യലില് കുറ്റ സമ്മതം നടത്തിയ അധ്യാപികയുടെ വിചാരണ അടുത്ത ദിവസങ്ങളില് ആരംഭിക്കുമെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്.
2015ല് അതിക്രമം നടക്കുമ്പോള് 22 വയസായിരുന്നു അധ്യാപികയ്ക്ക് ഉണ്ടായിരുന്നത്. മിഡില് സ്കൂള് അധ്യാപികയായിരുന്ന ഇവര് വിദ്യാര്ത്ഥിയെ മദ്യവും കഞ്ചാവും നല്കിയ ശേഷം പീഡിപ്പിക്കുകയായിരുന്നു. സ്കൂളിലും അധ്യാപികയുടെ വാഹനത്തിലും മറ്റ് വിവിധ ഇടങ്ങളിലും വച്ച് 2015 ജനുവരി മുതല് മെയ് വരെയാണ് പീഡനം നടന്നതെന്നാണ് പരാതി. മെറിലാന്ഡ് സംസ്ഥാനത്തെ അപ്പര് മാള്ബെറോ സ്വദേശിയാണ് നിലവില് അറസ്റ്റിലായിട്ടുള്ളത്. രണ്ട് വര്ഷമാണ് പീഡനത്തിനിരയായ വിദ്യാര്ത്ഥിയുടെ സ്കൂളില് അധ്യാപിക ജോലി ചെയ്തത്. ഇരുപതിലേറെ തവണ പീഡിപ്പിക്കപ്പെട്ടുവാണ് യുവാവ് പരാതിപ്പെട്ടിട്ടുള്ളത്