ജനപ്രിയ മോഡലുകള്‍ക്ക് വമ്പൻ ഡിസ്‌കൗണ്ടുമായി ടാറ്റ

ആഭ്യന്തര വാഹന നിർമ്മാതാക്കളായ ടാറ്റ മോട്ടോഴ്‌സ് ഹാരിയർ, സഫാരി എസ്‌യുവികൾ ഉൾപ്പെടെ തിരഞ്ഞെടുത്ത മോഡലുകൾക്ക് വലിയ കിഴിവുകളും ഓഫറുകളും വാഗ്ദാനം ചെയ്യുന്നു. 2022 ഒക്ടോബറിൽ, ഈ രണ്ട് മോഡലുകളിലും വാങ്ങുന്നവർക്ക് 40,000 രൂപ വരെ ആനുകൂല്യങ്ങൾ ലഭിക്കും. എക്‌സ്‌ചേഞ്ച് ബോണസിന്റെ രൂപത്തിൽ ആനുകൂല്യങ്ങൾ ലഭ്യമാണെന്ന കാര്യം ശ്രദ്ധിക്കേണ്ടതാണ്. ടാറ്റ ഹാരിയർ 5,000 രൂപ വരെ കോർപ്പറേറ്റ് ആനുകൂല്യങ്ങളും വാഗ്ദാനം ചെയ്യുന്നു എന്നും ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.

ഹാരിയർ , സഫാരി മോഡൽ ലൈനപ്പിലേക്ക് ടാറ്റ അടുത്തിടെ രണ്ട് പുതിയ വേരിയന്റുകൾ ചേർത്തിരുന്നു. ഹാരിയർ XMS, XMAS വേരിയന്റുകൾക്ക് യഥാക്രമം 17.20 ലക്ഷം രൂപയും 18.50 ലക്ഷം രൂപയുമാണ് വില. പുതിയ സഫാരി XMS, XMAS മോഡലുകൾ യഥാക്രമം 17.96 ലക്ഷം രൂപയ്ക്കും 19.26 ലക്ഷം രൂപയ്ക്കും വാഗ്ദാനം ചെയ്യുന്നു. മേൽപ്പറഞ്ഞ എല്ലാ വിലകളും എക്സ്-ഷോറൂം ആണ്. രണ്ട് എസ്‌യുവികളുടെയും പുതിയ വേരിയന്റുകൾക്ക് സ്റ്റാൻഡേർഡ് ഫിറ്റ്‌മെന്റായി പനോരമിക് സൺറൂഫ് ലഭിക്കും.

ടിയാഗോ ഹാച്ച്ബാക്കിന് 20,000 വരെ വിലക്കിഴിവും ടാറ്റ വാഗ്ദാനം ചെയ്യുന്നുണ്ട്. 10,000 രൂപയുടെ ക്യാഷ് ഡിസ്‌കൗണ്ടും 10,000 രൂപയുടെ എക്‌സ്‌ചേഞ്ച് ബോണസും 3,000 രൂപ കോർപ്പറേറ്റ് ആനുകൂല്യങ്ങളും ഇതിൽ ഉൾപ്പെടുന്നു. ടാറ്റ ടിഗോറിന് 10,000 രൂപ എക്‌സ്‌ചേഞ്ച് ബോണസും 10,000 രൂപ ക്യാഷ് ഡിസ്‌കൗണ്ടും ഉൾപ്പെടെ 20,000 രൂപ വരെ ആനുകൂല്യങ്ങൾ ലഭിക്കും. 3,000 രൂപയുടെ അധിക കോർപ്പറേറ്റ് കിഴിവുമുണ്ട്. ടിഗോർ സിഎൻജി വേരിയന്റ് 25,000 രൂപ വരെ (10,000 രൂപ ക്യാഷ് ഡിസ്‌കൗണ്ട് + 15,000 രൂപ എക്‌സ്‌ചേഞ്ച് ബോണസ്) വരെ കിഴിവിലാണ് ലഭിക്കുന്നത്.

ടാറ്റ ഹാരിയർ , സഫാരി എസ്‌യുവികൾക്ക് 2023-ന്റെ തുടക്കത്തിൽ വലിയ അപ്‌ഡേറ്റുകൾ ലഭിക്കുമെന്ന് റിപ്പോർട്ട് ചെയ്യപ്പെടുന്നു. അടുത്തിടെ ക്യാമറയിൽ പതിഞ്ഞ രണ്ട് ഫെയ്‌സ്‌ലിഫ്റ്റുകളും ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം) ഉപയോഗിച്ച് വരാൻ സാധ്യതയുണ്ട്. അഡാപ്റ്റീവ് ക്രൂയിസ് കൺട്രോൾ, ബ്ലൈൻഡ് സ്പോട്ട് അസിസ്റ്റ്, ലെയ്ൻ ഡിപ്പാർച്ചർ വാണിംഗ് സിസ്റ്റം, കൂട്ടിയിടി ലഘൂകരണ സംവിധാനം, പുറപ്പെടൽ മുന്നറിയിപ്പ് സംവിധാനം, ഓട്ടോമാറ്റിക് ട്രാക്ഷൻ കൺട്രോൾ, ഹിൽ സ്റ്റാർട്ട് എയ്ഡ്, ഇലക്ട്രോണിക് സ്റ്റെബിലിറ്റി കൺട്രോൾ എന്നിവ സ്യൂട്ടിൽ ഉൾപ്പെടും.

മിഡ്-ലൈഫ് അപ്‌ഡേറ്റിനൊപ്പം, ഹാരിയർ എസ്‌യുവി 360 ഡിഗ്രി ക്യാമറയും വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുള്ള വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവുമായി വരുമെന്ന് പ്രതീക്ഷിക്കുന്നു. പുതുക്കിയ സഫാരി എസ്‌യുവി മോഡൽ ലൈനപ്പിലും ഇതേ സെറ്റ് പുതിയ ഫീച്ചറുകൾ നൽകാനാണ് സാധ്യത. 2023 ടാറ്റ ഹാരിയർ, സഫാരി ഫെയ്‌സ്‌ലിഫ്റ്റുകൾ 170 bhp കരുത്തും 350Nm ഉം ഉത്പാദിപ്പിക്കുന്ന 2.0L ഡീസൽ എഞ്ചിൻ തന്നെയാണ് ഉപയോഗിക്കുന്നത്.