അഞ്ച് പുതിയ പ്രീപെയ്ഡ് പ്ലാനുകള്‍ അവതരിപ്പിച്ച് ടാറ്റ ഡോകോമോ. 35, 65, 95, 145, 245, രൂപയുടെ പ്ലാനുകളാണ് അവതരിപ്പിച്ചിരിക്കുന്നത്. 35 രൂപ പ്ലാനില്‍ 26 രൂപയുടെ ടോക്ക് ടൈം, മിനിറ്റിന് 25 പൈസയ്ക്ക് കോളുകള്‍, 100 എംബി 3 ജി ഡാറ്റ എന്നിവ 28 ദിവസത്തെ വാലിഡിറ്റിയില്‍ നല്‍കുന്നു. 65 രൂപ പ്ലാനില്‍ 55 രൂപ ടോക് ടൈം, 200 എംബി 3ജി ഡാറ്റ 28 ദിവസത്തെ വാലിഡിറ്റിയില്‍ നല്‍കുന്നു.
95 രൂപ പ്ലാനില്‍ 95 രൂപയ്ക്ക് കോളുകള്‍ ചെയ്യാവുന്നതാണ്. രണ്ട് സെക്കന്റിന് 1 പൈസ വീതമാണ് പ്ലാനില്‍ നല്‍കുന്നത്. 500 എംബി 3 ജി ഡാറ്റയും 28 ദിവസത്തെ വാലിഡിറ്റിയിലാണ് നല്‍കുന്നത്. 145 രൂപ പ്ലാനില്‍ 2 സെക്കന്‍ഡിന് 1 പൈസയ്ക്ക് കോളുകള്‍, 1 ജിബി 3 ജി ഡാറ്റ 42 ദിവസത്തെ വാലിഡിറ്റിയിലാണ് നല്‍കുന്നത്. 245 രൂപ പ്ലാനില്‍ രണ്ട് സെക്കന്‍ഡിന് ഒരു പൈസ വീതം കോളുകള്‍, 2 ജിബി ഡാറ്റ 84 ദിവസത്തെ വാലിഡിറ്റിയിലും നല്‍കുന്നു.
