മലപ്പുറം: താനൂരില് മുസ്ലിം ലീഗ് പ്രവര്ത്തകനെ കൊലപ്പെടുത്തിയ നാലംഗ സംലത്തിലെ രണ്ട് പേര് പോലീസ് കസ്റ്റഡിയില്. അഞ്ചുടി സ്വദേശി മഷ്ഹൂദ് ആണ് ഒടുവില് പിടിയിലായത്. കേസിലെ മറ്റൊരു പ്രതി മുഫീസ് നേരത്തെ പിടിയിലായിരുന്നു.
കേസിലെ നാല് പ്രതികളും സിപിഎം പ്രവര്ത്തകരാണെന്ന് തിരിച്ചറിഞ്ഞിട്ടുണ്ട്. കൊല്ലപ്പെട്ട മുസ്ലിം ലീഗ് പ്രവര്ത്തകന് ഇസ്ഹാക്കിന്റെ അയല്വാസികളായ നാല് പേരാണ് പ്രതികള്. കേസുമായി ബന്ധപ്പെട്ട് അഞ്ച് പേരെ ഇന്ന് രാവിലെ പൊലീസ് കസ്റ്റഡിയിലെടുത്തിരുന്നു. ഇവരില് നിന്നാണ് പ്രതികളെ കുറിച്ച് വിവരം ലഭിച്ചത്.
ഇന്നലെ രാത്രിയാണ് അഞ്ചുടി സ്വദേശിയും മുസ്ലീം ലീഗ് പ്രവര്ത്തകനുമായ ഇസ്ഹാഖിനെ നാലംഗ സംഘം വെട്ടിക്കൊന്നത്. ഇസ്ഹാഖ് അഞ്ചുടി ജുമാമസ്ജിദിലേക്ക് നമസ്കാരത്തിന് പോകുന്ന സമയം പള്ളിക്കടുത്ത് വെച്ചാണ് സംഭവം. നിലവിളി കേട്ട് ഓടിക്കൂടിയ നാട്ടുകാര് ഇസ്ഹാഖിനെ ആശുപത്രിയിലേക്ക് കൊണ്ട് പോയെങ്കിലും ജീവന് രക്ഷിക്കാനായില്ല. കൊലപാതകം രാഷ്ട്രീയ പ്രേരിതമാണെന്ന നിഗമനത്തിലാണ് പൊലീസ്.
രാഷ്ട്രീയ വിരോധത്തിന്റെ പേരില് സി.പി.എം പ്രവര്ത്തകരാണ് ഇസ്ഹാഖിനെ കൊലപ്പെടുത്തിയത് എന്ന് ലീഗ് പ്രവര്ത്തകര് ആരോപിച്ചു. സംഘര്ഷ സാധ്യത കണക്കിലെടുത്ത് സ്ഥലത്ത് വന് പൊലീസ് സന്നാഹം ക്യാമ്പ് ചെയ്യുന്നുണ്ട്.
അതേസമയം പ്രതികളെ ഉടന് അറസ്റ്റ് ചെയ്യണമെന്ന് പികെ കുഞ്ഞാലിക്കുട്ടി എംപി ആവശ്യപ്പെട്ടു. പ്രതികള് സിപിഎമ്മുകാരല്ലെങ്കില് അറസ്റ്റ് ചെയ്യാന് മടിക്കുന്നതെന്തിനെന്നും അദ്ദേഹം ചോദിച്ചു
കൊലപാതകത്തില് പ്രതിഷേധിച്ച് മലപ്പുറം ജില്ലയിലെ തീരദേശ മേഖലയില് ഇന്ന് യുഡിഎഫ് ഹര്ത്താല് നടത്തുന്നുണ്ട്. വള്ളിക്കുന്ന് മുതല് പൊന്നാനി വരെയുള്ള ആറ് നിയോജക മണ്ഡലങ്ങളിലാണ് ഹര്ത്താല്. രാവിലെ ആറ് മണിമുതല് വൈകിട്ട് ആറ് മണിവരെയാണ് ഹര്ത്താല്.