ചെന്നൈ: തമിഴ് ടെലിവിഷന്‍ സീരിയല്‍ താരത്തെ കൊല്ലപ്പെട്ട നിലയില്‍ കണ്ടെത്തി. സീരിയൽ താരം സെല്‍വരത്തിനം ആണ് മരിച്ചത്. 30 വയസായിരുന്നു. തേന്‍മൊഴി ബിഎ എന്ന സീരിയലില്‍ വില്ലന്‍ വേഷമായിരുന്നു സെല്‍വരത്തിനം കൈകാര്യം ചെയ്തത്.
ഞായറാഴ്ച രാവിലെ ഫോണ്‍ വന്നതിനെ തുടര്‍ന്ന് സെല്‍വരത്തിനം പുറത്ത് പോയിരുന്നു. കുറച്ച്‌ കഴിഞ്ഞ് ഇയാള്‍ക്ക് വെട്ടേറ്റതായി സുഹൃത്തിന് വിവരം ലഭിച്ചു. തുടർന്ന് സുഹൃത്താണ് പൊലീസില്‍ വിവരം അറിയിച്ചത്. സമീപത്തെ സിസിടിവി ദൃശ്യങ്ങളില്‍ നിന്ന് കുറ്റകൃത്യം ചെയ്തവരെക്കുറിച്ച്‌ സൂചന ലഭിച്ചുവെന്ന് പൊലീസ് പറഞ്ഞു.
