തമിഴ്നാടിനെ 268 റണ്സിനു ഓള്ഔട്ട് ആക്കി കേരളം. 92 റണ്സ് നേടി ഷാരൂഖ് ഖാന് പുറത്താകാതെ നിന്നു. ശേഷിക്കുന്ന വിക്കറ്റുകള് വീഴ്ത്തി സന്ദീപ് വാര്യറും ബേസില് തമ്പിയും ചേര്ന്ന് കേരളത്തിനു അനുകൂലമായ സാഹചര്യം സൃഷ്ടിക്കുകയായിരുന്നു. ഇന്ന് വീണ വിക്കറ്റുകളില് സന്ദീപ് രണ്ടും ബേസില് തമ്പി രണ്ടും വിക്കറ്റാണ് നേടിയത്.
സന്ദീപ് വാര്യര് അഞ്ച് വിക്കറ്റ് നേട്ടം ആഘോഷിച്ചപ്പോള് ബേസില് തമ്പിയ്ക്ക് നാല് വിക്കറ്റ് ലഭിച്ചു. ജലജ് സക്സേനയ്ക്കാണ് ഒരു വിക്കറ്റ് ലഭിച്ചത്. 87 റണ്സ് നേടിയ ബാബ ഇന്ദ്രജിത്താണ് മറ്റൊരു പ്രധാന സ്കോറര്.