കൊച്ചി: കൊച്ചിയില് നിന്നു ദിവസവും ബാങ്കോക്കിലേക്കുളള ആദ്യ ഡയറക്റ്റ് വിമാന സര്‍വീസുമായി തായ് എയര് ഏഷ്യ. മെയ് 17ന് ആരംഭിക്കുന്ന സര്‍വീസിന് ഒരു വശത്തേക്ക് 2999 രൂപ മുതലുളള ഓഫറുകളാണ് അവതരിപ്പിക്കുന്നത്.
പുതിയ വിമാനങ്ങളുടെ അവതരണത്തോടനുബന്ധിച്ചാണ് 2999 രൂപയുടെ പ്രൊമോഷണല്‍ ഓഫറുകള്‍ അവതരിപ്പിച്ചിരിക്കുന്നത്. മെയ് 17 മുതല്‍ 22 വരെയുളള വിമാന സര്‍വീസിന് ഇന്നു മുതല്‍ മാര്‍ച്ച് 27 വരെ എയര് ഏഷ്യ വെബ്‌സൈറ്റു വഴി www.airasia.com ബുക്ക് ചെയ്യാം.
ഇന്ത്യ വളരെ പ്രധാന വിപണിയാണെന്നും കൊച്ചിയില് നിന്നു ബാങ്കോക്കിലേക്കും പുറത്തേക്കും വ്യോമഗതാഗതം സജ്ജമാക്കുന്നതില്‍ തങ്ങള്‍ വളരെ ശ്രദ്ധിക്കുന്നുണ്ടെന്നും തായ് എയര് ഏഷ്യ സിഇഒ തസപോന്‍ ബിജ്‌ലെവെല്‍ഡ് പറഞ്ഞു.
കൊച്ചിയില് നിന്നും ബാങ്കോക്കിലേക്ക് നേരിട്ടുളള ആദ്യ ഫ്‌ളൈറ്റ് നാലു മണിക്കൂര്‍ കൊണ്ട് ബാങ്കോക്കിലെത്തുന്നതോടെ ഉപഭോക്താക്കള്‍ക്ക് ഞങ്ങളുടെ രാജ്യത്ത് കൂടുതല്‍ സമയം ചെലവഴിക്കാന്‍ സാധിക്കുമെന്നതിലും സന്തോഷമുണ്ട്, അദ്ദേഹം കൂട്ടിച്ചേര്‍ക്കുന്നു. ബാങ്കോക്ക് എന്നതിലുപരി തായ്‌ലന്റിലെ ഇരുപതിലേറെ സ്ഥലങ്ങളുമായി ബന്ധിപ്പിക്കാനും തായ് എയര് ഏഷ്യയ്ക്ക് സാധിക്കും. ഫുകെറ്റിലെയും ക്രാബിലെയും ലോകപ്രശസ്ത ബീച്ചുകളും വടക്കേ തായ്‌ലന്റിലെ ഹരിതാഭമായ പാറക്കൂട്ടങ്ങളും ചിയാങ് റായ്യുമെല്ലാം ഇതില്‍ ഉള്‍പ്പെടുന്നു. യാത്രക്കാര്ക്ക് അന്താരാഷ്ട്ര കേന്ദ്രങ്ങളായ ഹോങ്കോങ്, ഹോ ചി മിന്‍ സിറ്റി, ഹനോയ്, സിയെം റീപ്, മ്യാന്‍മര്‍, മന്‍ഡലായ്, ലുവാങ് പ്രബാങ് തുടങ്ങിയ പ്രധാന നഗരങ്ങളിലേക്കും വളരെ വേഗം എത്താനാവും.
ഇന്ത്യന്‍ യാത്രികരെ തായ്‌ലന്റിലേക്ക് സ്വാഗതം ചെയ്യുന്നതില്‍ ഞങ്ങള്‍ വളരെ ആവേശഭരിതരാണ്. 2015ല്‍ 1,069,149 ഇന്ത്യന്‍ യാത്രികരാണ് തായ്‌ലന്റ് സന്ദര്‍ശിച്ചത്. സ്വാദിഷ്ടമായ തായ് വിഭവങ്ങളെക്കൂടാതെ തായ് ഹോസ്പിറ്റലുകളും രാജ്യത്തുണ്ട്. ബാങ്കോങിലെ ഷോപ്പിംഗ് മാളുകള്‍, രാത്രി ജീവിതം, ബീച്ചുകള്‍, മനോഹരമായ പ്രകൃതി, പച്ചപ്പ് നിറഞ്ഞ പാറക്കൂട്ടങ്ങള്‍ എന്നിവയെല്ലാം സഞ്ചാരികളെ ആകര്‍ഷിക്കുന്നവയാണെന്ന് മിസ് സൊറായ ഹോംചുവേന്, ടി.എ.ടി ഡയറക്ടര്, മുംബൈ പറഞ്ഞു.
ബാങ്കോക്കില് നിന്ന് എയര് ഏഷ്യ യാത്രക്കാര്ക്ക് പുക്കെറ്റ്, ക്രാബി, ചിയാങ് മായ്, ചിയാങ് റായി എന്നീ സ്ഥലങ്ങളിലേക്ക് ത്രൂ ചെക്കിങ്ങ് സര്വീസ് സേവനങ്ങള് ലഭ്യമാണ്. കൊച്ചിയില് നിന്ന് ഈ സേവനം ഉടന് ആരംഭിക്കാനും കമ്പനിക്ക്് പദ്ധതിയുണ്ട്. ഏപ്രില് മധ്യത്തോടുകൂടി ഈ സര്‍വ്വീസിന്റെ ബുക്കിങ്ങ് ആരംഭിക്കും.
2014ല്‍ 104,393 പേരാണ് തായ്‌ലന്റില്‍ നിന്നും ഇന്ത്യയിലേക്കെത്തിയത്. കൊച്ചിക്ക് പുറമെ ചെന്നൈയില്‍ നിന്നും ബംഗലൂരുവില്‍ നിന്നും തായ് എയര് ഏഷ്യ ബാങ്കോക്കിലേക്ക് നേരിട്ടുളള സര്‍വീസുകള്‍ നടത്തുന്നുണ്ട്.
