ചിരഞ്ജീവി നായകനാകുന്ന ബ്രഹ്മാണ്ഡ ചിത്രം സെയ്റ നരസിംഹ റെഡ്ഡിയിലെ ടൈറ്റില് ഗാനത്തിന്റെ ലിറിക്കല് വീഡിയോ പുറത്ത് വിട്ടു. സുധിനി ചൗഹാന്, ശ്രേയ ഘോഷാല് എന്നിവര് ചേര്ന്നാണ് ഈ ഗാനം ആലപിച്ചിരിക്കുന്നത്. സിജു തുറവൂരിന്റെ വരികള്ക്ക് ഈണം പകര്ന്നിരിക്കുന്നത് അമിത് ത്രിവേദിയാണ്.
സ്വാതന്ത്ര സമര പോരാളി ഉയ്യാലവാഡ നരസിംഹ റെഡ്ഡിയുടെ ജീവിതം പറയുന്ന ചിത്രം സംവിധാനം ചെയ്യുന്നത് സുരേന്ദര് റെഡ്ഡിയാണ്. ചിത്രത്തില് ആക്ഷന് രംഗങ്ങള്ക്ക് വലിയ പ്രാധാന്യമാണ് ഉള്ളത്. റാം- ലക്ഷ്മണ്, ഗ്രേഗ് പവല് തുടങ്ങിയവരാണ് ആക്ഷന് രംഗങ്ങള് കൊറിയോഗ്രാഫി ചെയ്യുന്നത്.
ചിത്രത്തില് ചിരഞ്ജീവിയുടെ ഗുരുവായി അഭിനയിക്കുന്നത് അമിതാഭ് ബച്ചനാണ്. നയന്താരയാണ് ചിത്രത്തിലെ നായിക. തമന്ന, വിജയ് സേതുപതി കിച്ച സുധീപ് എന്നിവരും ചിത്രത്തില് അഭിനയിക്കുന്നുണ്ട്. തെലുങ്ക്, തമിഴ്, ഹിന്ദി, മലയാളം എന്നീ നാല് ഭാഷകളിലായാണ് ചിത്രം തീയേറ്ററുകളിലെത്തുക.