പാറ്റ്ന: ചൈനീസ് ചാരയെന്ന് സംശയിക്കുന്ന വനിതയെ ബിഹാറില്‍ കസ്റ്റഡിയിൽ എടുത്തു. ദലൈലാമയുടെ ചടങ്ങ് നടക്കാനിരിക്കെ ബിഹാറിലെ ഗയയില്‍ സംശയാസ്പദമായ സാഹചര്യത്തിലാണ് വനിതയെ കണ്ടത്. യുവതിയെ ബിഹാര്‍ പൊലീസും കേന്ദ്ര ഏജന്‍സികളും ചോദ്യം ചെയ്യുകയാണ്. യുവതിയെ നാട് കടത്തിയേക്കുമെന്നാണ് വിവരം. ബിഹാറിലെ ബുദ്ധിസ്റ്റ് ക്ഷേത്രത്തില്‍ ഒരുമാസത്തെ സന്ദര്‍ശനത്തിനായാണ് ദലൈലാമ എത്തിയത്. ഇന്ന് രാവിലെ ചൈനീസ് ചാരയെന്ന് സംശയിക്കുന്ന യുവതിയുടെ രേഖാചിത്രം പൊലീസ് പുറത്തുവിട്ടിരുന്നു.
ചൈനീസ് ചാരയെന്ന് സംശയം; ബിഹാറില്‍ വനിത പിടിയില്‍
