ഖു​റേ​ഷി​യു​ടെ ഗൂ​ഗ്ലി പ്ര​യോ​ഗം സി​ക്ക് വം​ശ​ജ​രോ​ടു​ള്ള അ​നാ​ദ​ര​വാ​ണെ​ന്ന് സു​ഷ​മ സ്വ​രാ​ജ്

ന്യൂഡല്‍ഹി: പാക്കിസ്ഥാന്‍ വിദേശകാര്യമന്ത്രി ഷാ മുഹമ്മദ് ഖുറേഷിയുടെ ഗൂഗ്ലി പ്രയോഗം സിക്ക് വംശജരോടുള്ള അനാദരവാണെന്ന് സുഷമ സ്വരാജ്. നിങ്ങളുടെ പ്രസ്താവനകള്‍ നിങ്ങളെത്തന്നെ തുറന്നുകാട്ടുന്നതായും വിദേശകാര്യമന്ത്രി വിമര്‍ശിച്ചു.

ഇത് കാണിക്കുന്നത് നിങ്ങള്‍ക്ക് സിക്കുകാരുടെ വികാരത്തോട് ഒരുതരത്തിലുമുള്ള ബഹമാനവും ഇല്ലെന്നാണ്. നിങ്ങള്‍ ഗൂഗ്ലി മാത്രം കളിക്കുന്നു. എന്നാല്‍ നിങ്ങളുടെ ഗൂഗ്ലിയില്‍ ഞങ്ങള്‍ കുടുങ്ങില്ല. തങ്ങളുടെ രണ്ട് മന്ത്രിമാര്‍ കര്‍താര്‍പുര്‍ സാഹിബില്‍ എത്തിയത് ഗുരുദ്വാരയില്‍ പ്രാര്‍ഥന നടത്തുന്നതിനായിരുന്നെന്നും സുഷ ട്വീറ്റ് ചെയ്തു.

കര്‍താര്‍പുര്‍ ഇടനാഴി തറക്കല്ലിടില്‍ ചടങ്ങില്‍ ഇന്ത്യയില്‍നിന്നും മന്ത്രിമാര്‍ പങ്കെടുത്തത് പാക് പ്രധാനമന്ത്രി ഇമ്രാന്‍ ഖാന്റെ ഗൂഗ്ലിയുടെ ഫലമായിരുന്നെന്നായിരുന്നു ഖുറേഷിയുടെ പ്രസ്താവന.

Top