തിരുവനന്തപുരം:ബിജെപി മുതിര്ന്ന നേതാവും മുന് വിദേശകാര്യ മന്ത്രിയുമായ സുഷമ സ്വരാജിന്റെ മരണത്തില് അനുശോചനം അറിയിച്ച് മുന് മുഖ്യമന്ത്രി ഉമ്മന് ചാണ്ടി. സുഷമ സ്വരാജ് മികച്ച ഭരണാധികാരിയും ജനപ്രതിനിധിയും പൊതുപ്രവര്ത്തകയായിരുന്നുവെന്ന് ഉമ്മന് ചാണ്ടി പറഞ്ഞു.
സുഷമ സ്വരാജ് കേരളത്തിന് വേണ്ടി ചെയ്തിട്ടുള്ള വലിയ കാര്യങ്ങള് എക്കാലവും കേരളം സ്മരിക്കുമെന്നും ഇറാഖില് കുടുങ്ങിയ നഴ്സുമാരെ കൊണ്ടുവരാന് കേരളം സഹായമഭ്യര്ത്ഥിച്ചപ്പോള് അവര് കാണിച്ച ആത്മാര്ത്ഥയോടുകൂടിയ പ്രവര്ത്തനങ്ങള് ഇന്നും ഓര്ക്കുന്നവെന്നും ഉമ്മന് ചാണ്ടി പറഞ്ഞു. ഒരു ബുദ്ധിമുട്ടും കൂടാതെ നഴ്സുമാരെ തിരിച്ച് ഇവിടെ കൊണ്ടുവരുന്നതിന് അവരെടുത്ത പ്രയത്നം താന് നേരിട്ട് കണ്ടിട്ടുണ്ട്.
കക്ഷി രാഷ്ട്രീയതിന് അതീതമായി ജനങ്ങളെ കാണാനും പ്രശ്നങ്ങള് മനസ്സിലാക്കാനും പരിഹാരം ഉണ്ടാക്കാനും ശ്രമിച്ച പൊതുപ്രവര്ത്തകയാണ് സുഷമ സ്വരാജെന്നും ഉമ്മന് ചാണ്ടി കൂട്ടിച്ചേര്ത്തു.
ഇന്നലെ രാത്രിയാണ് ബിജെപി മുതിര്ന്ന നേതാവും മുന് വിദേശകാര്യ മന്ത്രിയുമായ സുഷമ സ്വരാജ് വിടപറഞ്ഞത്. 67 വയസ്സായിരുന്നു. ഹൃദയാഘാതെ തുടര്ന്ന് സുഷമ സ്വരാജിനെ ഡല്ഹി എയിംസ് ആശുപത്രിയില് പ്രവേശിപ്പിച്ചിരുന്നു. കുറച്ച് നാളായി ആരോഗ്യ നില തൃപ്തികരമല്ലായിരുന്നു. 2016ല് സുഷമ വൃക്കമാറ്റല് ശസ്ത്രക്രിയയ്ക്ക് വിധേയയായിരുന്നു.