മുംബൈ: പ്രളയം ഏല്പ്പിച്ച ദുരന്തത്തില് നിന്ന് കേരളം കരകയറാന് ശ്രമിച്ചുകൊണ്ടിരിക്കുകയാണ്. കേരളത്തിന് തങ്ങളാല് കഴിയുന്ന സഹായം വാഗ്ദാനം ചെയ്ത് കേരളത്തിന് പുറത്തു നിന്നുമുള്ള സുമനസുകളും എത്തുന്നുണ്ട്. എന്നാല് കൈയില് പണമില്ലാതെ നിസഹായരായി കഴിയുന്നവരും ഉണ്ട്. അത്തരത്തിലുള്ള ഒരു ആരാധകന്റെ വിഷമം മാറ്റിയിരിക്കുകയാണ് ബോളിവുഡ് താരം സുശാന്ത് സിങ് രജ്പുത്.
സുബ്രഹ്മണ്യന് എന്ന യുവാവാണ് തന്റെ അവസ്ഥ സുശാന്ത് സിങ്ങിനെ ട്വിറ്ററിലൂടെ അറിയിച്ചത്. എന്നാല് അതിന് സുശാന്ത് നല്കിയ മറുപടിയാണ് സുബ്രഹ്മണ്യനെ ഞെട്ടിച്ചത്. ‘നിങ്ങളുടെ പേരില് ഒരു കോടി രൂപ ഞാന് സംഭാവന നല്കും. ഈ തുക ദുരിതാശ്വാസ ഫണ്ടില് എത്തുന്നുവെന്ന് ഉറപ്പാക്കിയ ശേഷം അക്കാര്യം നിങ്ങള് എന്നെ അറിയിക്കണം.’ എന്നായിരുന്നു.
ഇതിന് പിന്നാലെ സുശാന്ത് പണം സുബ്രഹ്മണ്യന്റെ പേരില് നിക്ഷേപിക്കുകയും ചെയ്തു. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഈ പണം അയച്ചതിന്റെ സ്ക്രീന്ഷോട്ട് സുശാന്ത് പിന്നീട് ഇന്സ്റ്റഗ്രാമില് പങ്കുവെയ്ക്കുകയും ചെയ്തു.