സൂര്യയുടെ ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് ‘കങ്കുവ’. സിരുത്തൈ ശിവയാണ് ചിത്രത്തിന്റെ സംവിധാനം. ‘കങ്കുവാ’യുടെ അപ്ഡേറ്റുകള്ക്ക് വലിയ സ്വീകാര്യതയാണ് ഓണ്ലൈനില് ലഭിക്കുന്നത്. സൂര്യ നായകനാകുന്ന ചിത്രത്തിന്റെ കൊടൈക്കനാല് ഷെഡ്യൂള് പൂര്ത്തിയായതാണ് പുതിയ വാര്ത്ത.
സിരുത്തൈ ശിവ ആദ്യമായിട്ടാണ് സൂര്യയെ നായകനാക്കി ഒരു പ്രൊജക്റ്റ് ഒരുക്കുന്നത്. ദിഷാ പതാനിയാണ് ചിത്രത്തിലെ നായിക. വെട്രി പളനിസാമിയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. തമിഴ്, തെലുങ്കു, കന്നഡ, ഹിന്ദി, മലയാളം എന്നീ ഭാഷകളിലായിട്ടാണ് ‘കങ്കുവ’ എത്തുക.
ദേവി ശ്രീപ്രസാദ് ‘സിംഗത്തിനു’ ശേഷം സൂര്യയുമായി വീണ്ടും ഒരുമിക്കുന്ന ചിത്രം കൂടിയാണിത്. കഴിഞ്ഞ വർഷം പുറത്തുവിട്ട ചിത്രത്തിന്റെ മോഷൻ പോസ്റ്ററിന് വലിയ സ്വീകാര്യതയാണ് ലഭിച്ചത്. പ്രശസ്ത തെന്നിന്ത്യൻ സിനിമ നിർമാതാവായ ജ്ഞാനവേൽ രാജയുടെ സ്റ്റുഡിയോ ഗ്രീനും വംശി- പ്രമോദിന്റെ യുവി ക്രീയേഷൻസും ചേർന്ന് നിർമ്മിക്കുന്ന ചിത്രമാണിത്. ചിത്രം 10 ഭാഷകളിലും 3Dയിലും റിലീസ് ചെയ്യുമെന്നാണ് അറിയിച്ചിരിക്കുന്നത്.
പ്രൊഡക്ഷൻ കോര്ഡിനേറ്റര് ഇ വി ദിനേശ് കുമാറുമാണ്. ‘കങ്കുവാ’ എന്ന സിനിമയുടെ സെറ്റുകളില് നിന്നുള്ള വീഡിയോകളും ചിത്രങ്ങളും ഷെയര് ചെയ്യരുത് എന്ന് ആവശ്യപ്പെട്ട് കുറിപ്പുമായി ചിത്രത്തിന്റെ നിര്മാതാക്കള് രംഗത്ത് എത്തിയിരുന്നു. ചെറിയ കാര്യമാണെങ്കില് പോലും മൊത്തം ടീമിന്റെ കഠിനാദ്ധ്വാനം അതിലുണ്ട്. മികച്ച ഒരു തിയറ്റര് എക്സ്പീരിയൻസ് ആയി ചിത്രം സമ്മാനിക്കണം എന്നാണ് ഞങ്ങള് ആഗ്രഹിക്കുന്നത്. പോസ്റ്റ് ചെയ്ത വീഡിയോകളും ചിത്രങ്ങളും ഡിലീറ്റ് ചെയ്താല് അത് നല്ല കാര്യമാകും. ഭാവിയില് ഷെയര് ചെയ്യാതിരിക്കാനും അഭ്യര്ഥിക്കുന്നു. ഇത് തുടര്ന്നാല് കടുത്ത നിയമനടപടികള് നേരിടേണ്ടി വരുമെന്ന് അറിയിക്കാനും ആഗ്രഹിക്കുന്നു എന്നുമാണ് നിര്മാതാക്കളുടെ ഔദ്യോഗിക ട്വിറ്റര് വഴി പുറത്തുവിട്ട കുറിപ്പില് പറഞ്ഞിരുന്നത്.