ഡൽഹി :കാര്ഷിക നിയമവുമായി ബന്ധപ്പെട്ട് സുപ്രിം കോടതിയില് ആരംഭിക്കുന്ന നിയമ വ്യവഹാരം കേന്ദ്രവും സംസ്ഥാനങ്ങളും തമ്മിലുള്ള പോരാട്ടമായി മാറും. കാര്ഷിക നിയമങ്ങളുമായി ബന്ധപ്പെട്ട ഹര്ജികള് നാളെ മുതല് കേള്ക്കാനാണ് സുപ്രിം കോടതി തീരുമാനം. സംഘടനകളും വ്യക്തികളും നല്കിയ ഹര്ജികളും സുപ്രിം കോടതി നാളെ പരിഗണിക്കും.നിയമങ്ങള് കര്ഷക ക്ഷേമവും സംരക്ഷണവും ഊഹകച്ചവടവും കരിഞ്ചന്തയും ഒഴിവാക്കാനാണെന്നാണ് കേന്ദ്രസര്ക്കാരിന്റെ പ്രധാന വാദം.
എം.എസ്.പി ഇല്ലാതാകുന്നത്, മണ്ഡികളുടെ പ്രവര്ത്തനം നിലക്കുന്നത്, ഫെഡറല് വ്യവസ്ഥയുടെ ലംഘനം മുതലായവ പ്രതിപക്ഷം ഭരിക്കുന്ന സംസ്ഥാനങ്ങളും സുപ്രിം കോടതിയില് ചോദ്യം ചെയ്യും. കഴിഞ്ഞ തവണ കാര്ഷിക നിയമങ്ങളുമായി ബന്ധപ്പെട്ട ഹര്ജി പരിഗണിച്ചപ്പോള് സമരം നീണ്ടു പോകുന്നതിലെ അതൃപ്തി സുപ്രിം കോടതി അറിയിച്ചിരുന്നു.