പുതിയ ലുക്കില്‍ പ്രത്യക്ഷപ്പെട്ട് സൂപ്പര്‍ താരം ലയണല്‍ മെസ്സി. മെസ്സിയുടെ ക്ലീന്‍ ഷേവ് ചെയ്ത ചിത്രങ്ങളാണ് ഇപ്പോള്‍ ആരാധകര്‍ക്കിടയില്‍ ചര്‍ച്ചാവിഷയമായിരിക്കുന്നത്. ഇന്റര്‍ മയാമിയുടെ ഏറ്റവും പുതിയ പരിശീലന സെക്ഷനിലാണ് ക്ലീന്‍ ഷേവ് ചെയ്ത താരത്തിന്റെ ചിത്രങ്ങള്‍ പുറത്തുവന്നിരിക്കുന്നത്. ഇന്റര്‍ മയാമി തന്നെ പുറത്തുവിട്ട മെസ്സിയുടെ ചിത്രങ്ങള്‍ ആവേശത്തോടെയാണ് ആരാധകര്‍ ഏറ്റെടുത്തത്.
Messi has always shaved his beard before winning the Ballon D’Or ceremony!!! Messi today in training with a beardless look 👀 #LM8 loading for the 🐐 ⏳ #Messi #BallonDor #Intermiamicf #Argentina pic.twitter.com/jr98gWh5aV
— Inter Miami FC Hub (@Intermiamifchub) September 18, 2023
ഏഴ് തവണ ബലോന്‍ ദ് ഓര്‍ ജേതാവായപ്പോഴും മെസ്സി ക്ലീന്‍ ഷേവ് ലുക്കില്‍ ആയിരുന്നു. ക്ലീന്‍ ഷേവ് ലുക്കിലും ചെറിയ താടിയുള്ളപ്പോഴുമായിരുന്നു മെസ്സി ബലോന്‍ ദ് ഓര്‍ പുരസ്‌കാരങ്ങള്‍ക്ക് അര്‍ഹനായത്.2019 ലും 2021 ലും ബലോന്‍ ദ് ഓര്‍ ചടങ്ങിന് കുറച്ച് ദിവസങ്ങള്‍ക്ക് മുമ്പ് മെസ്സി താടി ക്ലീന്‍ ഷേവ് ചെയ്തതായുള്ള റിപ്പോര്‍ട്ടുകള്‍ അടക്കം പുറത്ത് വന്നിരുന്നു.
ചരിത്രത്തില്‍ ഏറ്റവും കൂടുതല്‍ തവണ ബലോന്‍ ദ് ഓര്‍ പുരസ്‌കാരത്തിന് അര്‍ഹനായ താരമാണ് ലയണല്‍ മെസ്സി. 2009, 2011, 2012, 2013, 2016, 2019, 2021 വര്‍ഷങ്ങളില്‍ പുരസ്‌കാരം സ്വന്തമാക്കിയ മെസ്സി ഈ വര്‍ഷത്തെ ബലോന്‍ ദ് ഓര്‍ അവാര്‍ഡിന് ഏറ്റവും കൂടുതല്‍ സാധ്യത കല്പിക്കുന്ന താരമാണ്.2022ലെ ലോകകപ്പ് നേട്ടം തന്നെയാണ് മെസ്സിയ്ക്ക് കൂടുതല്‍ സാധ്യത നല്‍കുന്നത്. മെസ്സിക്കൊപ്പം യുവതാരങ്ങളായ കിലിയന്‍ എംബാപ്പെ, എര്‍ലിങ് ഹാലണ്ട് എന്നിവരും ഇത്തവണത്തെ ബലോന്‍ ദ് ഓര്‍ ഫേവറിറ്റുകളാണ്
