കൊച്ചി: വഞ്ചനക്കേസില് ബോളിവുഡ് നടി സണ്ണി ലിയോണിയുടെ അറസ്റ്റ് തടഞ്ഞ് ഹൈക്കോടതി. നോട്ടിസ് നല്കാതെ അറസ്റ്റ് പാടില്ലെന്ന് ഹൈക്കോടതി നിര്ദേശിച്ചു. അങ്കമാലിയില് വാലന്റൈന്സ് ദിനത്തില് നടത്താനിരുന്ന പരിപാടിക്കായി പണം വാങ്ങിയെങ്കിലും പങ്കെടുക്കാന് എത്തിയില്ലെന്നാണ് താരത്തിനെതിരായ കേസ്. സ്റ്റേജ് ഷോ നടത്താമെന്ന ഉറപ്പില് 39 ലക്ഷം രൂപ വാങ്ങിയെന്നും കരാര് ലംഘനം നടത്തി വഞ്ചിച്ചെന്നും പരാതിയില് പറയുന്നു.
കേരളത്തില് അവധി ആഘോഷത്തിനെത്തിയ നടി സണ്ണി ലിയോണിയെ വഞ്ചന കേസുമായി ബന്ധപ്പെട്ട് ക്രൈം ബ്രാഞ്ച് ചോദ്യം ചെയ്തിരുന്നു. ജനുവരി 21ന് സ്വകാര്യ ചാനലിലെ ഒരു പരിപാടിയുടെ ഷൂട്ടിങ്ങിനായാണ് താരം കേരളത്തിലെത്തിയത്. ഒരാഴ്ച ക്വാറന്റീനില് കഴിഞ്ഞ താരം പിന്നീട് ഷൂട്ടിങിനും ഉദ്ഘാടന പരിപാടികള്ക്കും ഡേറ്റ് നല്കിയിരുന്നു. അതിനിടെയാണ് വിവാദങ്ങള് ഉണ്ടായത്.