കൊച്ചി : സുന്നി പള്ളികളില് സ്ത്രീകള്ക്ക് പ്രവേശനം അനുവദിക്കണമെന്ന് ആവശ്യപ്പെട്ട് സുപ്രീം കോടതിയില് ഹര്ജി നല്കുമെന്ന് വിപി സുഹ്റ. പുരോഗമന മുസ്ലിം സംഘടനയായ നിസയുടെ പേരിലാണ് ഹര്ജി നല്കുന്നതെന്നും ഒക്ടോബര് 22ന് ഹര്ജി സമര്പ്പിക്കുമെന്നും സുഹ്റ വ്യക്തമാക്കി.
അതേസമയം മുസ്ലിം പള്ളികളില് സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ടുള്ള ഹര്ജി ഹൈക്കോടതി തള്ളിയിരുന്നു. ശബരിമല വിഷയവുമായി ഇതിനെ താരതമ്യപ്പെടുത്താനാകില്ലെന്നാണ് കോടതി പറഞ്ഞത്. ഇക്കാര്യം ആവശ്യപ്പെട്ട് ഒരു മുസ്ലീം വനിത പോലും പരാതി നല്കിയിട്ടില്ലെന്നും കോടതി ചൂണ്ടിക്കാട്ടിയിരുന്നു. അഖിലഭാരത ഹിന്ദു മഹാസഭയുടെ കേരള ഘടകമാണ് ഇക്കാര്യം ആവശ്യപ്പെട്ട് ഹൈക്കോടതിയില് പൊതുതാത്പര്യ ഹര്ജി നല്കിയത്.
മസ്ജിദുകളില് സ്ത്രീകള്ക്ക് പ്രവേശനം അനുവദിക്കാത്തത് ഭരണഘടന അനുശാസിക്കുന്ന തുല്യതയുടെ ലംഘനമാണെന്നും സ്ത്രീകള്ക്ക് സൗകര്യപ്രദമല്ലാത്ത പര്ദ നിഷ്കര്ഷിക്കുന്നത് ശരിയല്ലെന്നുമായിരുന്നു ഹര്ജിക്കാരുടെ വാദം.