തൃശൂര്‍: ഒരേ ക്ലാസിലെ അടുത്ത സുഹൃത്തുക്കളായ 4 വിദ്യാര്‍ത്ഥികള്‍ക്കു വ്യത്യസ്ത സംഭവങ്ങളിലായി കൈയ്യൊടിഞ്ഞത് ഒരേ ദിവസം. പരീക്ഷ എഴുതുന്നത് ഒഴിവാക്കാനാണ് ഇവര്‍ സംഘം ചേര്‍ന്ന് ഈ വഴി തെരഞ്ഞടുത്തതെന്ന് അധ്യാപകര്‍ നടത്തിയ അന്വേഷണത്തില്‍ പറയുന്നു.
ഒന്‍പതാം ക്ലാസ് വിദ്യാര്‍ത്ഥികളായ നാലുപേരാണ് പരീക്ഷയെഴുതുന്നത് ഒഴിവാക്കാന്‍ ഈ സാഹസത്തിനു മുതിര്‍ന്നത്. ഗൂഗിളില്‍ തെരഞ്ഞാണ് കൈ ഒടിക്കാനുള്ള വിദ്യ കണ്ടെത്തിയതെന്നും പറയുന്നു.
ബൈക്കില്‍ നിന്നും വീണെന്നും, ബസില്‍ കയറുമ്പോള്‍ വീണെന്നും, കളിക്കുമ്പോള്‍ വീണെന്നും ഒക്കെയായി വ്യത്യസ്ത സംഭവങ്ങളാണ് കുട്ടികള്‍ വീട്ടിലും സ്‌കൂളിലും അവതരിപ്പിച്ചത്. കുട്ടികളെ കൗണ്‍സിലിങ്ങിന് വിധേയരാക്കാനാണ് സ്‌കൂള്‍ അധികൃതരുടെ തീരുമാനം.
