കോട്ടയം: പാലാ കടയത്തു നിയന്ത്രണം വിട്ട ഓട്ടോയിടിച്ച് കോളജ് വിദ്യാര്ഥിനി മരിച്ചു. കെ എസ് ആര് ടി സി റിട്ട. ഉദ്യോഗസ്ഥന് അനില്കുമാറിന്റെ മകള് അശ്വതി (19) ആണു മരിച്ചത്. വീടിനു മുന്നിലെ റോഡില് നില്ക്കുകയായിരുന്ന അശ്വതിയെ ഓട്ടോ ഇടിച്ചു തെറിപ്പിക്കുകയായിരുന്നു.
എതിരെ വന്ന കാറിലും ഓട്ടോ ഇടിച്ചു. അശ്വതി സംഭവ സ്ഥലത്തു തന്നെ മരിച്ചു. ശനിയാഴ്ച രാവിലെ പതിനൊന്നരയോടെയായിരുന്നു അപകടം.
