ന്യൂഡല്‍ഹി: സാമൂഹിക പ്രവര്‍ത്തക മേധാ പട്കര്‍ അറസ്റ്റില്‍. മേധാ പട്കര്‍ അടക്കം 350 പേരെ പൊലീസ് അറസ്റ്റ് ചെയ്തു. സ്വകാര്യ തുണിമില്ലിലെ ജീവനക്കാര്‍ നടത്തി വന്ന സമരത്തിന് എത്തിയതായിരുന്നു പ്രശസ്ത സാമൂഹിക പ്രവര്‍ത്തക മേധാ പട്കര്‍.
മധ്യപ്രദേശിലെ കര്‍ഗോണില്‍ വച്ചാണ് അറസ്റ്റ്. അനുവാദമില്ലാതെ സമരം നടത്തിയതിനാണ് നടപടിയെന്ന് മധ്യപ്രദേശ് പൊലീസ് വിശദീകരിക്കുന്നു. സമരപ്പന്തല്‍ പൊളിച്ച് നീക്കിയാണ് വൈകുന്നേരത്തോടെ അറസ്റ്റ് നടന്നത്. സര്‍ക്കാര്‍ ഭൂമിയിലാണ് പന്തല്‍ കെട്ടി സമരം നടത്തിയതെന്ന് പൊലീസ് പറയുന്നു.
