മുംബൈ: ബജറ്റ് ദിവസത്തെ ഓഹരി വ്യാപാരത്തില്‍ നഷ്ടത്തോടെ തുടക്കം. ഓഹരി വിപണി 150 പോയന്റോളം നഷ്ടത്തിലാണ്. നിഫ്റ്റിയാകട്ടെ 11,900 നിലവാരത്തിലുമാണുള്ളത്.
ആഗോള വിപണികളിലെ നഷ്ടം ആഭ്യന്തര സൂചികകളിലും ബാധിച്ചു. കൊറോണ വൈറസ് മൂലം കഴിഞ്ഞദിവസം യുഎസ് വിപണികള്‍ നഷ്ടത്തിലാണ് ക്ലോസ് ചെയ്തത്.
ഹിന്ദുസ്ഥാന്‍ യുണിലിവര്‍, ഗെയില്‍, ബജാജ് ഫിന്‍സര്‍വ്, ബിപിസിഎല്‍, ഐഒസി, ഐഷര്‍ മോട്ടോഴ്സ്, മാരുതി സുസുകി, എസ്ബിഐ, ഏഷ്യന്‍ പെയിന്റ്സ് തുടങ്ങിയ ഓഹരികള്‍ നേട്ടത്തിലാണ്.
നഷ്ടത്തിലുള്ളത് പവര്‍ഗ്രിഡ് കോര്‍പ്, ടെക് മഹീന്ദ്ര, ടാറ്റ സ്റ്റീല്‍, വേദാന്ത, എന്‍ടിപിസി, കൊട്ടക് മഹീന്ദ്ര, എച്ച്സിഎല്‍ ടെക്, യുപിഎല്‍, ഭാരതി എയര്‍ടെല്‍, ഹിന്‍ഡാല്‍കോ തുടങ്ങിയ ഓഹരികളാണ്.
