കാസർഗോഡ് : കൂടത്തായി കൂട്ടക്കൊലക്കേസിലെ മുഖ്യപ്രതി ജോളിയുടെ പേരില് സ്ത്രീ സമൂഹത്തെ അടച്ചാക്ഷേപിച്ചുകൊണ്ട് സോഷ്യല് മീഡിയകളില് വരുന്ന ട്രോളുകള് വേദനാജനകമെന്ന് സംസ്ഥാന വനിതാ കമ്മീഷന്.
പുരുഷന്മാര് നടത്തുന്ന കൊലപാതകങ്ങളുടെ പേരില് പുരുഷ സമൂഹത്തെ മൊത്തത്തില് ആരും ആക്ഷേപിക്കാറില്ലെന്നും സംസ്ഥാന വനിതാ കമ്മീഷന് അംഗങ്ങളായ ഷാഹിദാ കമാലും ഇ എം രാധയും പറഞ്ഞു.
സ്നേഹം നിരസിച്ചതിന്റെ പേരിലും വിവാഹഭ്യര്ത്ഥന നിരസിച്ചതിന്റെ പേരിലും അകാരണമായ സംശയത്തിന്റെ പേരിലും നിരവധി പുരുഷന്മാര് കാമുകിമാരേയും ഭാര്യമാരേയും ആസിഡൊഴിച്ചും പെട്രോളൊഴിച്ചും കുത്തിയും വെട്ടിയും കൊല ചെയ്തിട്ടുണ്ട്. സോഷ്യല് മീഡിയയില് അനാവശ്യ ട്രോളുകളുണ്ടാക്കി പ്രചരിപ്പിക്കുന്നവര് സ്വന്തം അമ്മയെ കുറിച്ചും സഹോദരിമാരെക്കുറിച്ചും ചിന്തിക്കണമെന്നും കമ്മീഷന് വ്യക്തമാക്കി.