കോട്ടയം: കൊറോണ വൈറസിന്റെ പശ്ചാത്തലത്തില് കോട്ടയം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചു. പ്രൊഫഷണല് കോളേജുകള്, എയ്ഡഡ്- അണ് എയ്ഡഡ് സ്കൂളുകള്, പോളി ടെക്നിക്കുകള്, അങ്കണവാടികള് എന്നിവ ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കുമെന്ന് കളക്ടര് പി കെ സുധീര് ബാബു അറിയിച്ചു.
എസ്എസ്എല്സി പരീക്ഷയ്ക്കും നേരത്തെ നിശ്ചയിച്ചിട്ടുള്ള യൂണിവേഴ്സിറ്റി, ബോര്ഡ് പരീക്ഷകള്ക്കും അവധി ബാധകമല്ല. കോട്ടയം മെഡിക്കല് കോളേജിലെ ഐസൊലേഷന് വാര്ഡില് നിലവില് 7 പേര് നിരീക്ഷണത്തിലാണ്. കൊറോണ വൈറസിന്റെ പശ്ചാത്തലത്തില് നാഗമ്പടം സെന്റ് ആന്റണീസ് തീര്ത്ഥാടന കേന്ദ്രത്തിലെ ചടങ്ങുകള്ക്ക് നിയന്ത്രണം ഏര്പ്പെടുത്തി.