ന്യൂഡല്‍ഹി: ആന്ധ്രാപ്രദേശിന് പ്രത്യേക പദവി ആവശ്യപ്പെട്ടുള്ള പ്രതിഷേധത്തിന്റെ ഭാഗമായി വിശ്വാമിത്ര മഹര്‍ഷിയുടെ വേഷത്തില്‍ തെലുങ്കു ദേശം പാര്‍ട്ടി എംപി നരമല്ലി ശിവപ്രസാദ്.
നേരത്തെ ശിവപ്രസാദ് സ്ത്രീവേഷത്തിലും, അലക്കുകാരന്റെ വേഷത്തിലും സ്‌കൂള്‍ കുട്ടിയെ പോലെയും വേഷം ധരിച്ച് പാര്‍ലമെന്റില്‍ വന്നിട്ടുണ്ട്. എന്‍ഡിഎ ആന്ധ്രാപ്രദേശിന് വാക്ക് നല്‍കിയ പ്രത്യേക പദവി നേടിയെടുക്കുക എന്നതാണ് ശിവപ്രസാദിന്റെ ലക്ഷ്യം.
ആന്ധ്രയ്ക്ക് പ്രത്യേക പദവിയെന്ന ആവശ്യവുമായി ടിഡിപി എംപിമാര്‍ ഫെബ്രുവരി 1ന് കേന്ദ്ര ബജറ്റ് പ്രഖ്യാപനം മുതല്‍ പാര്‍ലമെന്റില്‍ പ്രതിഷേധവുമായി രംഗത്തുണ്ട്.
